Techie IT
×
गृहपृष्ठकर्पोरेटभिभोको नयाँ स्मार्टफोन भी२५ सिरिज सार्वजनिक

भिभोको नयाँ स्मार्टफोन भी२५ सिरिज सार्वजनिक


काठमाडौं । भिभोले भी सिरिजअन्तर्गत आफ्नो नयाँ स्मार्टफोन भी२५ सिरिज नेपालमा सार्वजनिक गरेको छ । यस्तै कम्पनीले स्मार्टफोन सार्वजनिक हुनुअगाडि अग्रिम बुकिङ खुल्ला गरेको थियो ।

प्रि–बुकिङका लागि उपलब्ध गराएको चार दिनमा छ सयभन्दा बढी भी२५ सिरिजको प्रि–बुकिङ भएको कम्पनीले जनाएको छ । भी२५ र भी२५ई दुवैमा रंग परिवर्तन हुने ग्लास प्रविधि छ, जसले गर्दा स्मार्टफोन प्रत्यक्ष सूर्यको प्रकाशमा पर्दा रङ परिवर्तन हुन्छ । यसका साथै, दुवै स्मार्टफोनमा फ्लोराइट एजी ग्लास प्रयोग गरिएको छ । त्यस्तै भी२५ शृंखलामा उत्कृष्ट क्यामेरा क्षमता छ । भी २५ फाइभजी र भी२५ई दुवैमा ६४एमपी ओआईएस (अप्टिकल इमेज स्टेबलाइजेसन) अल्ट्रा सेन्सिङ रियर क्यामेरा छ जसले कम ब्राइटनेस र हल्लिएको ब्लर फोटाहरुलाई स्पष्ट बनाउँछ । रियर क्यामेरामा हाइब्रिड इमेज स्टेबिलाइजेसन छ । साथै भी२५ सिरिजमा बोकेह फ्ल्येर पोट्र्रेटलगायत अन्य क्यामेरा विशेषताहरु छन् । भी२५ फाइभजीमा ५०एमपी अटो फोकस पोट्र्रेट फ्रन्ट क्यामेरा रहेको छ, जसले उत्कृष्ट सेल्फी अनुभव प्रदान गर्दछ । साथै, भी२५ई मा ३२एमपी फ्रन्ट क्यामेरा रहेको छ ।

भी२५ सिरिजका दुवै स्मार्टफोनमा शक्तिशाली ४५०० एमएएच ब्याट्री छ, जसलाई ४४वाट फ्ल्यासचार्जले समर्थन गर्दछ । यसमा डबल एक्सपोजर, डुअल भ्यू भिडियो, ९० हर्ज अल्ट्रा भिजन स्क्रिन लगायतका विशेषताहरु छन् । भी२५ फाइभजी अक्वामेरिन ब्लु र डायमण्ड ब्ल्याकमा ५२ हजार नौ सय ९९ रुपैयाँमा उपलब्ध छ । यस्तै भिभो भी२५ई सनराइज गोल्ड र डायमण्ड ब्ल्याकमा ४२ हजार नौ सय ९९ रुपैयाँमा उपलब्ध रहेको कम्पनीले जनाएको छ ।


क्याटेगोरी : कर्पोरेट

तपाईको प्रतिक्रिया