Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठकर्पोरेट-वाणिज्य-उद्योगदराजको पहिलो मेगा इभेन्ट ‘दराज महोत्सव’

दराजको पहिलो मेगा इभेन्ट ‘दराज महोत्सव’


काठमाडौं । अनलाइन बजार दराजले आफ्नो पहिलो ठूलोस्तरको प्रयोगात्मक कार्यक्रम ‘दराज महोत्सव’को घोषणा गरेको छ । कम्पनीले यही शनिबार भृकुटीमण्डप गार्डेन, काठमाडौंमा दराज महोत्सवको आयोजना गर्न लागेको हो ।

दराज महोत्सवमा सांगीतिक र नृत्य प्रस्तुतिदेखि लिएर अन्तर्क्रियात्मक खेल, फोटो बुथ, खाना स्टलका साथै बालबालिकाको लागि समर्पित मनोरञ्जनात्मक क्रियाकलाप पनि रहने कम्पनीले जनाएको छ । दराज नेपालका प्रमुख मार्केटिङ अधिकृत प्रनयना केसीले दराज महोत्सव एउटा पारिवारिक कार्यक्रम रहेको बताए । यो कार्यक्रमले सबै उमेर समूहलाई मध्यनजर गरी विभिन्न गतिविधिहरु समेट्ने प्रयास गरेको उनको भनाइ छ । धेरैभन्दा धेरै ग्राहकहरुको उपस्थितिको अपेक्षा गर्दै कम्पनीले निःशुल्क प्रवेशको व्यवस्था समेत गरेको उनले जानकारी दिए ।

दराज महोत्सव सुशान्त केसी, स्वप्न सुमन, वाङ्देन शेर्पा र अन्य शीर्ष कलाकारहरूको सांगीतिक प्रस्तुति रहने बताइएको छ । साथै महोत्सवमा विभिन्न थरिका खाना साथै रमाइलो खेलहरु र आकर्षक तथा मनै लोभ्याउने वस्तुहरुको प्रदर्शन पनि गरिनेछ । दराज महोत्सव दराज एप भएका जो कोहीका लागि निःशुल्क कार्यक्रम हो, आगन्तुकहरूले कार्यक्रममा प्रवेश गर्नका लागि आफ्नो फोनमा एप देखाउनुपर्नेछ । 


क्याटेगोरी : कर्पोरेट-वाणिज्य-उद्योग

तपाईको प्रतिक्रिया