एमएडब्लुद्वारा नेपालमा १० हजार जेसीबी मेसिन बिक्री

काठमाडौं । नेपालका लागि जेसीबी मेसिनको आधिकारिक बिक्रेता एमएडब्लु अर्थमुभर्स प्रालिले नेपालमा १० हजार जेसीबी मेसिन बिक्री गरेको छ । नेपाली कन्स्ट्रक्सन तथा हेभी इक्विपमेन्ट क्षेत्रमा नयाँ प्रतिविम्ब स्थापना गर्न आफूहरु सफल भएको कम्पनीको भनाइ छ ।

जेसीबी इन्डियाका सीईओ तथा प्रबन्धनिर्देशक दिपक सेठीले एमएडब्लु अर्थमुभर्सका प्रबन्धनिर्देशक तथा प्रमुख कार्यकारी अधिकृत गोपाल कुमार अग्रवालले शुक्रबार कालिका कन्स्ट्रक्सनका प्रबन्धनिर्देशक निकोलस पाण्डेलाई १० हजारौँ मेसिनको चाबी हस्तान्तरण गरेका थिए । १० हजारौँ मेसिनको रुपमा जेसीबी टेलिह्यान्डलरको चाबी हस्तान्तरण गर्दै जेसीबी इन्डियाका सीईओ तथा प्रबन्धनिर्देशक दिपक सेठीले जेसीबी नेपालले ग्राहक सन्तुष्टिलाई पहिलो प्राथमिकतामा राख्ने भएकै कारणले दक्षिण एसियाको नम्बर १ डिलर बन्न सफल भएको बताए ।

ग्राहक सुविधाका लागि कुनै पनि प्रकारको सहयोग आवश्यक परेको खण्डमा त्यसलाई पूर्ति गर्न जेसीबी इन्डिया सदैव तयार रहेको उनको भनाइ थियो । त्यसैगरी, कालिका कालिका कन्स्ट्क्सन प्रालिका प्रबन्धनिर्देशक निकोलस पाण्डेले जेसीबीले दिने सेवा सुविधाकै कारण यो ब्रान्ड आफ्नो पहिलो रोजाइमा परेको बताए ।

नेपाली कन्स्ट्रक्सन तथा हेभी इक्विपमेन्ट क्षेत्रको अग्रणी खेलाडी एमएडब्लु जेसीबीले गुणस्तरीय र वल्र्ड क्लास उत्पादन र सेवामार्फत देश विकासमा महत्वपूर्ण भूमिका निर्वाह गर्दै आएको जनाएको छ । एमएडब्लु अर्थमुभर्सले ब्याकहो लोडर, एस्क्साभेटर, ह्विल लोडर, कम्प्याक्टर, टेलिह्यान्डलर र स्किड स्टेरिङ लोडरजस्ता जेसीबी ब्रान्डका हेभी इक्विपमेन्टहरुको बिक्री वितरण गर्दै आएको छ । नेपाली बजारमा जेसीबीको बजार हिस्सा ५० प्रतिशतभन्दा बढी छ ।