दया फाउन्डेसनले कल्चरल भिडियो कन्टेस्ट सञ्चालन गर्ने

काठमाडौं । दया फाउन्डेसनले नेवारी परम्परा, संस्कृति, मूल्यमान्यतामा आधारित विषयवस्तुहरु झल्काउनेसम्बन्धी कल्चरल भिडियो कन्टेस्टको आयोजना गर्ने भएको छ । इन्द्रजात्राको अवसरमा सुरु गरिएको यस प्रतियोगिताका प्रतियोगीहरुले तीन मिनेटसम्मको उल्लिखित विषयवस्तुमा आधारित भिडियो बनाई प्रस्तुत गर्नुपर्नेछ ।

उक्त प्रतियोगिताको पहिलो चरणमा आगामी असोज १५ गते शनिबारका दिन बेलुकी ६ बजे जुम मिटिङमार्फत प्रतियोगीहरुको छनौट गरिनेछ । पहिलो चरणमा छनौट भएका प्रतियोगीहरुहरुले पुस १६ गतेभित्र आफूले तयार गरेको भिडियो दया फाउन्डेसनको इमेलमा पठाइसक्नुपर्नेछ ।

यस प्रतियोगिताको विजेताको घोषणा आगामी माघ १ गते गरिने आयोगले जनाएको छ । कन्टेस्ट घोषणा कार्यक्रममा संस्कृति, पर्यटन तथा नागरिक उड्डयनमन्त्री जीवन राम श्रेष्ठले यस प्रकारको कार्यक्रमले हाम्रो मौलिक परम्परा तथा संस्कृतिको संरक्षण तथा प्रवर्धनका निमित्त एकदमै ठूलो टेवा पु-याउने बताए ।