Techie IT
×
गृहपृष्ठकर्पोरेटदशैँ जुत्ताचप्पल मेलामा उपभोक्ताको भीड

दशैँ जुत्ताचप्पल मेलामा उपभोक्ताको भीड


काठमाडौं । काठमाडौंको भृकुटीमण्डपमा जारी जुत्ता चप्पल मेलामा उपभोक्ताहरुको भीड बढ्नथालेको छ । चाडबाडलक्षित मेलामा विशेष अफरसहित सुपथ मूल्यमा जुत्ता चप्पल पाएपछि ग्राहकहरुको भीड बढेको हो ।

मेलामा नेपालका प्रख्यात ब्राण्ड शिखर शुज, हाइलाइफ, वान वल्र्ड शुज, फुटस्टेप शुज, बोस शुज, पीजी शुज, बेम्बो शुज, एस लेजरका दुई हजारभन्दा बढी आकर्षक र नयाँ नयाँ डिजाइनका जुत्ता चप्पल उपलब्ध रहेको आयोजक तथा शिखर शुजका प्रबन्धनिर्देशक रामकृष्ण प्रसाईंले जानकारी दिए । यसअघि पटक–पटक महाकुम्भ जुत्ता मेला सञ्चालन गरेको समूहले नै दशैँ जुत्ता चप्पल मेला आयोजना गरेका हुन् । बजारमा सस्तो जुत्तालाई पनि महँगो मूल्य राखेर उपभोक्तालाई ठग्ने गरिएको पाईएकोले मेलामा जति हो त्यति नै मूल्य राखिँदा उपभोक्ताहरु ठगिनबाट जोगिएको आयोजकको दाबी छ ।

एउटै छानामुनि उत्कृष्ट ब्राण्डका जुत्ताचप्पल उपभोक्ताले छानी–छानी किन्न पाउनुका साथै हरेका ब्राण्डका जुत्तामा कम्तीमा छ महिनाको वारेन्टी रहेको आयोजकको भनाइ छ । ‘मेलामा हामीले एकदमै सस्तो उत्पादन फ्याक्ट्री मूल्यभन्दा कम पैसामा नयाँ नयाँ डिजाइनका जुत्ताचप्पल बिक्रीवितरण गरिरहेका छौँ, यसको उद्देश्य नेपालीहरुले स्वदेशी उत्पादनका जुत्ताचप्पल प्रयोग गर्नुहोस् भन्ने हो ।’ आयोजकले भनेको छ । नेपाली सीप र पुँजीको प्रयोगबाट बनेका स्वदेशी जुत्ताहरुले अहिले विदेशी जुत्तालाई विस्थापित गरिरहेका छन् । नेपाली उपभोक्ताले स्वदेशी जुत्ता नै खोजी खोजी प्रयोग गर्न थालेका छन् । 


क्याटेगोरी : कर्पोरेट

तपाईको प्रतिक्रिया