सेगवे नेपालको ‘यो दशैँ-तिहार सेगवेको साथ उपहार ७’ अफर सार्वजनिक

काठमाडौं । नेपालका लागि सेगवे सवारी साधनको आधिकारिक वितरक आईहब प्रालिले आगामी दशैं, तिहार र छठको अवसरमा ग्राहकहरुलाई आकर्षक छुट र पुरस्कारहरु उपलब्ध गराएको छ । यो अफर नेपालका सबै सेगवे ई–स्कुटरका लागि मान्य हुने कम्पनीले जनाएको छ ।

‘यो दशैँ/तिहार सेगवेको साथ उपहार ७’ अफर नेपालमा सेगवेको दुईपांगे सवारीसाधनको आक्रामक बजार रणनीति र विस्तारको निरन्तरता हो । सेगवेले नेपाली ग्राहकका लागि विविधता र गुणस्तर दुवै सुनिश्चित गरी उत्पादन उपलब्ध गराउने योजना बनाएको छ । यस अफरमा ग्राहकहरुले कुनै पनि सेगवेको उत्पादन खरिद गर्दा १० हजार रुपैयाँ नगद छुट एमाज्फिट ब्यान्ड ५ वा एमाज्फिट नियो ब्याण्ड जस्ता निश्चित पुरस्कारहरू जित्न सक्नेछन् । साथमा निःशुल्क बीमा र सडक कर पनि हुने कम्पनीले जनाएको छ ।

साथै, ग्राहकहरूले लक्की ड्र मार्फत विभिन्न पुरस्कारहरू जित्ने अवसरहरू पनि प्राप्त गर्नेछन् । लक्की ड्रमार्फत दुई जनाले किक स्कुटर (एफ४०), दुई जनाले स्मार्ट फोन (मेईजू एम १७) र पाँच जनाले एमाज्फिट जीटीएस दुई स्मार्ट घडी जित्नेछन् । यसका साथै एक्सचेन्ज सुविधा, निःशुल्क एएमसी र ईएमआईको सुविधा पनि छ ।