स्थापना दिवसको अवसरमा प्रभु हस्पिटलले बिरामीलाई छुट

काठमाडौं । प्रभु हस्पिटलले आफ्नो तेस्रो स्थापना दिवसको अवसरमा ५० प्रतिशत ओपीडी छुटसहितको साताव्यापी कार्यक्रमहरु गर्न लागेको छ । वीरगन्जको पानीटंकीमा रहेको प्रभु हस्पिटलले वृक्षरोपण, शैक्षिक सामग्री वितरण, पाठेघर क्यान्सरको जनचेतनासहित रक्तदान कार्यक्रमलगायतको कार्यक्रमहरु गर्नलागेको छ ।

स्थापना दिवसको अवसरमा सोमबार न्यूरो ओपीडी, मंगलबार अर्थो, बुधबार पेडिया डेन्टिरस, बिहीबार फिजिसियन कार्डो, शुक्रबार गाइनो र सर्जन ओपीडीमा ५० प्रतिशतको छुटसहितको सुविधा बिरामीहरुका लागि दिनलागेको जनाएको छ । हस्पिटलको स्थापना दिवसको अवसरमा पाठेघरको क्यान्सर र असन्तुलित हर्मोनसम्बन्धी जनचेतनाको साथै चाडपर्व र डेंगु रोगको प्रकोपलाई लक्षित गर्दै शनिबार बृहत् रक्तदान कार्यक्रम गर्न लागेको हस्पिटलका सञ्चालक डा. मनोज गुप्ताले जानकारी गराएका छन् ।

खासमा उमेर बढेसँगै महिलामा हुने असन्तुलित हर्मोनको कमी र पाठेघरको क्यान्सरबारे मधेश प्रदेशमै जनचेतनाको कमी भएकाले त्यसबारे जानकारीका लागि जनचेतनालगायतको कार्यक्रम गर्न लागेको हस्पिटलकी वरिष्ठ स्त्री तथा प्रसूति रोग विशेषज्ञ डा. लक्ष्मी थापाले जानकारी गराएकी छिन् ।

स्थापना दिवसको अवसरमा आज हस्पिटल अगाडि भएको वृक्षरोपण कार्यक्रममा वडा नं. ८ का पूर्व वडाअध्यक्ष राजकिशोर गुप्ता, हालका वडा सदस्य गफार अन्सारी, टोल सुधार समितिका अध्यक्ष सञ्जय श्रीवास्तव, मिना बजार सामुदायिक प्रहरी सेवा केन्द्रका अध्यक्ष बासु सहनी, उपाध्यक्ष प्रवेज सर्राफ, कोषाध्यक्ष रामाधार सर्राफ, हस्पिटलका सञ्चालकद्वय डा. मनोज गुप्ता, डा. लक्ष्मी थापा गुप्ता, सामाजिक अभियन्ता दिलिप राज कार्कीलगायतको उपस्थिति थियो ।