दराजद्वारा नयाँ मेम्बरसिप प्रोग्राम दराज क्लब सुरु

काठमाडौं । अनलाइन बजार दराजले आफ्नो नयाँ मेम्बरसिप प्रोग्राम दराज क्लब सुरु गरेको छ । यो नयाँ सुविधामार्फत ग्राहकहरुले दराज एपमार्फत विशेष लाभहरू प्राप्त गर्न सक्नेछन् भने ग्राहकहरुले दराज एपमा प्रत्येक खरिदारीपछि जेम्स कमाउन सक्ने पनि कम्पनीले जनाएको छ ।

कम्पनीका अनुसार दराज क्लबको सदस्य बनेर ग्राहकहरूले उच्च जेम्स रिडेम्पसन, थप पुरस्कार र विशेष भाउचरहरूलगायतका अन्य फाइदाहरू प्राप्त गर्नेछन् भने यी सुविधाहरूमार्फत ग्राहकहरूले आफ्ना अर्डरहरूमा अतिरिक्त छुट प्राप्त गर्न र थप बचत गर्न सक्नेछन् । दराज क्लब आईओएस र एन्ड्रोइड दुवै प्लेटफर्ममा उपलब्ध छ ।

नयाँ सुविधा प्राप्त गर्न ग्राहकहरुलाई आफ्नो दराज एप अपडेट गर्न अनुरोध गरिएको छ । क्लबमा सामेल हुन ग्राहकहरूले डिसेम्बर ३१, २०२२ सम्म कम्तीमा २५ सय जेम्सहरु संकलन गर्नुपर्नेछ, जुन दराजमा किनमेल गरेर कमाउन सकिन्छ । डिसेम्बर ३१ पछि, क्लबमा सामेल हुन आवश्यक पर्ने जेम्सहरुको न्यूनतम संख्या ३५ सयमा बढाइनेछ । दराज क्लबका सदस्यहरूले मात्र चेकआउटको समयमा छुटका लागि रत्नहरू प्रयोग गर्नसक्ने कम्पनीले जनाएको छ ।