आउटरिचले चीनमा २ वटा कांस्य पुरस्कार जित्यो

काठमाडौं । चीनमा सम्पन्न भएको ईसीआई अवार्ड २०२२ मा नेपालको तर्फबाट आउटरिचले दुईवटा पुरस्कार जितेको छ । आउटरिचले प्रोडक्ट एण्ड मोडेल इनोभेसन र मार्केट्रिङ इनोभेसन गरी दुई विधामा कांस्य पुरस्कार जित्न सफल भएको हो ।

ग्लोवल ईसीआई अवार्ड २०२२ को विजेताहरुको घोषणा गत शुक्रबार गरिएको थियो । अवार्डअन्तर्गतका तीन विधाहरु प्रोडक्ट एण्ड मोडेल इनोभेसन, मेटाभर्स एप्लिकेसन इनोभेसन र मार्केट्रिङ इनोभेसनतर्फ स्वर्ण, रजत र कांस्य अवार्ड विजेताहरुमा हङकङ, स्विट्जरल्यान्ड, इटाली, क्यानडा, नेपाल, अमेरिका, यूके, साउदी अरेबिया, ब्राजिल, थाइल्याण्ड, ताईपेई सिटी र अष्ट्रिया लगायतका देशहरु रहेका छन् । समारोहमा ईसीआई अवार्डका सभापति लिजोन जियाले चीनमा चलिरहेको महामारीको कारण यो पटक सबै सहभागीहरुलाई भौतिक रुपमा उपस्थित गराउन नसकेकोले भर्चुअल माध्यमबाट अवार्डको घोषणा गर्नुपरेको बताए ।

ईसीआई अ्वार्ड, अन्तर्राष्ट्रिय उद्यमी, क्रिएटिभ र इनोभेटर्स संघद्वारा स्थापना गरिएको हो । यो अवार्ड नव प्रवर्तनको प्रभावकारितालाई मानक मानेर प्रदान गरिने विश्वस्तरीय अवार्ड हो ।