Techie IT
×
गृहपृष्ठकर्पोरेट‘शिवमसँग उपहार टन्न’ उपहार योजनाको पहिलो चरणका विजेता घोषणा

‘शिवमसँग उपहार टन्न’ उपहार योजनाको पहिलो चरणका विजेता घोषणा


काठमाडौं । शिवम् सिमेन्टद्वारा ‘शिवमसँग उपहार टन्न’ उपहार योजनाको मासिक लक्की ड्रअन्तर्गत पहिलो महिनाको भाग्यशाली विजेताहरुको नाम लक्की–ड्रमार्फत सार्वजनिक गरिएको छ ।

कम्पनीले मंगलबार पत्रकार सम्मेलन गरी विजेताहरु उपभोक्तातर्फ ३० जना र बिक्रेतातर्फ ४० जनाको नाम सार्वजनिक गरेको हो । शिवम् सिमेन्टले गत मंसिर १८ देखि ‘शिवम्सँग उपहार टन्न’ नामक नेपालकै सर्वाधिक धनराशीको उपहार योजना सार्वजनिक गरेको थियो । उक्त योजनाअन्तर्गत प्रत्येक २० बोरा शिवम् सिमेन्टको खरिदमा ग्राहकले एउटा हातखाली नहुने स्क्र्याच कुपन प्राप्त गरी दुई सयदेखि पाँच सय रुपैयाँसम्म नगद वा १५ ग्राम चाँदीको सिक्का वा २.५० ग्रामदेखि पाँच ग्रामसम्म सुनको सिक्का वा सुनको सिक्री पक्का उपहार राखिएको थियो भने सोही कुपनको अर्धकट्टीमा नाम, टेलिफोन नम्बर र ठेगाना लेखी मासिक लक्की ड्र तथा मेगा लक्की ड्रमा भाग लिनसक्ने व्यवस्था मिलाइएको थियो ।

यस योजनामा छोटो समयमै ग्राहकको उल्लेख्य संख्यामा सहभागिता रहेकोे थियो ।
मंगलबार सम्पन्न लक्की ड्र कार्यक्रममा उपभोक्तातर्फ प्रथम पुरस्कारबापत बागमती–पोखरा क्षेत्रबाट राजकुमार घिसिङ र उपत्यका बाहिरबाट फेवा कन्स्ट्रक्सनका दुई भाग्यशाली जोडिले थाइल्यान्ड भ्रमण अवसर प्राप्त गरेका छन् भने दोस्रो पुरस्कारअन्तर्गत सुदिप कार्की, कविता श्रेष्ठ, बाबुराम घिमिरे तथा समानन्तर निर्माण सेवाका चार जोडी विजेताले हेलिटुर पुरस्कारबापत जितेका छन् ।

तेस्रो पुरस्कारअन्तर्गत छ जना बालकृष्ण मिश्र, पुरुषोत्तम रेग्मी, जेशना कोण्डा, रामधनु राई, जानुका कार्की तथा राजन गुप्ताले आधा किलो चाँदी उपहार प्राप्त गरेका छन् । चौथोबापत पुरस्कार आठ जनालाई हिराको औंठी तथा अन्य पुरस्कार १० जोडीलाई माउन्टेन फ्लाइट उपहारस्वरुप जितेका छन् । यस योजनाअन्तर्गत स्योर सट पुरस्कारमा करोडौँको नगद उपहार, सयौं किलो चाँदी तथा सयौँ तोला सुनका साथै मासिक तथा मेगा लक्की ड्रमार्फत अझै धेरै पुरस्कार जित्ने मौका रहेको कम्पनीले जनाएको छ ।

स्क्र्याच कुपनमार्फत हात खाली नजाने पक्का उपहारअन्तर्गतको नगद उपहार सिमेन्ट खरिद गर्ने वितरकबाट तुरुन्तै प्राप्त हुने तथा सुन र चाँदीको लागि मोबाइल नम्बर ९८०१११४६५८ मा सम्पर्क गरी शिवम् सिमेन्टको बिक्री कार्यालयहरूबाट प्राप्त गर्न सकिने व्यवस्था मिलाइएको कम्पनीद्वारा जारी विज्ञप्तिमा जनाइएको छ । एक पटक पक्का पर्ने र तीन पटकसम्म जित्न मौका मिल्ने यो योजनाले ग्राहकहरुलाई थप हौसला र खुसी प्रदान गर्ने विश्वास कम्पनीले लिएको छ । 


क्याटेगोरी : कर्पोरेट

तपाईको प्रतिक्रिया