Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठकर्पोरेट-वाणिज्य-उद्योगअब मोटिभ सिक्स एस नेपाली बजारमा

अब मोटिभ सिक्स एस नेपाली बजारमा


काठमाडौं । नेपाली बजारमा प्रवेश गरेको छोटो समयमै अपेक्षाकृत राम्रो बजार साख हासिल गर्न सफल ब्राण्ड रिभरसङले नयाँ मोडलको स्मार्टवाच नेपाली बजारमा भित्र्याएको छ ।

चीनको बहुराष्ट्रिय मोबाइल एक्सेसरिज तथा वेरेबल उत्पादक रिभरसङ विश्वबजारमै पछिल्लो समयमा तीव्रताका साथ अगाडि बढिरहेको ब्राण्ड हो । विश्वका ६० वटाभन्दा बढी देशहरुमा बिक्री वितरण हुँदै आएको ब्राण्ड रिभरसङ नेपाली बजारमा प्रवेश गरेको चार महिनामै एक दर्जनभन्दा बढी मोडलका स्मार्टवाच तथा इअरबड्सहरु नेपाली बजारमा भित्र्याइसकेको छ ।

मोबाइल एक्सेसरिज तथा वेरेबलको बजार विकास र विस्तारमा देशकै अग्रणी कम्पनीको रुपमा स्थापित भएको केमियो इन्टरनेशनल प्रालिले आफ्नो दोस्रो ब्राण्डको रुपमा रिभरसङलाई नेपाली बजारमा ल्याएको हो । रिभरसङ नेपालको मुख्यालय बागदरबारमा आयोजित एक विशेष कार्यक्रममा रिभरसङको नयाँ स्मार्टवाच मोटिभ सिक्स एस सार्वजनिक गरिएको हो ।

आयातकर्ता केमियो इन्टरनेशनलका अध्यक्ष उपेन्द्र साहले मुख्यालयमा रिभरसङ मोटिभ सिक्स एस सार्वजनिक गर्दै यसका विशेषताहरु प्रस्ट्याए । मोटिभ सिक्स एसमा ५० भन्दा बढी फिटनेस ट्र्याकिङ अप्सन रहेका छन् भने यसको हर्ट रेट मनिटर निक्कै प्रिसाइज्ड रहेको कम्पनीले जानकारी दिएको छ । ब्लुटुथ कलिङ अप्सन रहेको यस स्मार्टवाचको अडियो क्वालिटी समेत निक्कै उच्च रहेको रिभरसङको मोटिभ सिक्स एसको अधिकतम बिक्री मूल्य छ हजार चार सय २५ रुपैयाँ तोकिएको छ ।

आफ्ना सबै स्मार्टवाचमा एक वर्षको वारेन्टी प्रदान गर्ने रिभरसङले बिक्रीपश्चात्को सेवालाई निकै चुस्त र प्रभावकारी बनाउँदै आएको छ । देशभरि छरिएर रहेका बिक्री केन्द्रहरु र अनलाइनमा समेत उपलब्ध रिभरसङका उत्पादनहरुमा रहेको मूल्य र गुणस्तरीयताबीचको सन्तुलनले उपभोक्ता यस ब्राण्डप्रति आकर्षित भएका हुन् भने ग्राहक सेवामा केमियो इन्टरनेशनलले देखाएको तदारुकताले उपभोक्ताको मन सहजै जित्न सफल भएको देखिन्छ ।


क्याटेगोरी : कर्पोरेट-वाणिज्य-उद्योग

तपाईको प्रतिक्रिया