रिद्धि सिद्धि सिमेन्टको निःशुल्क स्वास्थ्यशिविर

काठमाडौं । रिद्धि सिद्धि सिमेन्टले मकवानपुरको भीमफेदी गाउँपालिका वडा न.३, झलकनेमा एक दिने निःशुल्क स्वास्थ्य शिविर सम्पन्न गरेको छ । भीमफेदी गाउँपालिकाको समन्वयमा कम्पनीले गत बिहीबार आयोजना गरेको शिविरको उद्घाटन गाउँपालिकाका अध्यक्ष हिदम लामाले गरेका थिए ।

कार्यक्रममा सोही गाउँपालिका वडा नं. ३ का वडाअध्यक्ष प्रीतिलाल लामा, प्रशासन प्रमुख अच्युत पराजुली, वडासदस्य बुद्धिमान बज्यू, नेकपा समाजवादी भीमफेदी गाउँपालिकाका संयोजक समीर श्रेष्ठ र खानी प्रमुख गणेश कुमार सिंह लगायतको उपस्थिति थियो । कम्पनीले सबैको स्वास्थ्यप्रति सचेत रहेको उल्लेख गर्दै भविष्यमा पनि यस्ता कार्यक्रमहरु आयोजना गर्दै जाने बताएको छ ।