सामसङका फ्ल्यागशिप फोनहरू नेपालमा पुनरागमन हुँदै

काठमाडौं । अद्भुत स्पेक, सुन्दर डिजाइन, अद्भुत सुविधाहरू र अवधारणाहरूका साथ हरेक स्तरमा गुणस्तरीय फोन उपलब्ध गराउने सामसङको सम्पूर्ण सेगमेन्टहरुको फोन ल्याउने योजना रहेको छ । यसका लागि सामसङले नेपाली बजारमा शीर्ष स्तरका फोनहरु सार्वजनिक गर्न लागेको हो ।

सामसङका ब्रान्ड नेम बोकेका र स्मार्टफोनको संसारमा नयाँ इनोभेसनका उत्कृष्ट कार्यहरूका रूपमा प्रतिनिधित्व गर्ने फोनहरु फेरि ल्याइएको सामसङ नेपालका निर्देशक प्रणयरत्न स्थापितले जानकारी दिए । एस२२ सिरिज, ए७३ र फोल्डेबल फोनहरूमा सबैभन्दा अगाडि रहेका ग्यालेक्सी जेड फ्लिप ४ र ग्यालेक्सी जेड फोल्ड ४ स्मार्टफोन संसारका केही उत्कृष्ट प्रस्तुतिहरू रहेको र नेपाली बजारमा नयाँ इनोभेसनका यी अमेजिङ फोनहरु उपलब्ध गराईएको बताए । ग्यालेक्सी एस२२ सिरिज, ग्यालेक्सी ए७३ फाइभ जी, ग्यालेक्सी जेड फ्लिप४ र ग्यालेक्सी जेड फोल्ड४ सामसङको फ्ल्यागशिप लाइन–अपका सबै सेगमेन्टहरू नेपालमा केही समयका लागि रोकिएका थिए । तर अब यी सबै सेगमेन्टका स्मार्टफोनहरु फेरि नेपाली बजारमा फर्किएको स्थापितले जानकारी दिए ।

कम्पनीका अनुसार प्रत्येक फ्ल्यागशिप मोडलहरुको आफ्नै अद्वितीय विशेषताहरू रहेका छन् । फोल्डिङ र फ्लिपिङ विकल्प तथा अविश्वसनीय नक्स सेक्युरिटी र प्रदर्शनले गर्दा सामसङको फ्ल्यागशिप लाइन–अप स्मार्टफोनहरु नयाँ प्रविधिसहित अग्रस्थानमा छन् । ग्यालेक्सी एस२२ सिरिजमा ग्यालेक्सी एस२२ मा ६.१ इन्चको डिस्प्ले र ग्यालेक्सी एस २२ अल्ट्राले आफ्ना प्रयोगकर्ताहरूलाई ६.८ इन्चको डिस्प्ले प्रदान गरेको छ । ग्यालेक्सी एस२२ मा १२ मेगापिक्सेल (एमपी) अल्ट्रा–वाइड र १० एमपी टेलिफोटो क्यामेराहरूद्वारा सुसज्जित छ । साथै मुख्य रियर क्यामेराको रूपमा वाइड ५० एमपी क्यामेरा रहेका छन् । ग्यालेक्सी एस २२ अल्ट्रामा भने १०८ एमपी वाइड एंगल क्यामेरा रहेको छ । रियरमा उस्तै सपोर्टिङ क्यामेराको साथमा क्वाड क्यामेरा रियर सेटअपको लागि थप १० एमपी टेलिफोटो क्यामेरा दिइएको छ । दुवैै फोनहरूमा क्यामेराको लागि नाइटोग्राफी मोड पनि उपलब्ध छ । यस्तै ग्यालेक्सी एस २२ अल्ट्रामा रहेको बिल्ट–इन एस–पेन यस फोनको अर्को हाइलाइट हो ।

यसैगरी ग्यालेक्सी ए७३ ५जी, लोकप्रिय ए–सेगमेन्टको अग्रपंक्तिमा रहेको छ । यसको ६.७ इन्चको डिस्प्लेको साथ पाँच हजार एमएएच ब्याट्रीसँग लामो समयसम्म काम गर्न सकिन्छ । यससँगै ग्यालेक्सी ए७३ ५जीले आईपी६७ रेटिङ पाएको छ । यसको सन्तोषजनक कार्यसम्पादन, डिस्प्ले र ब्याट्रीले यसमा केही एक्स्ट्रा पोइन्टहरू पनि थपेको छ । यसमा रहेको डेप्थ, म्याक्रो र अल्ट्रा–वाइड क्यामेराद्वारा समर्थित १०८ एमपी मुख्य रियर क्यामेरा फिचरसहित ३२ एमपी फ्रन्ट क्यामेरा समावेश छ । अमेजिङ प्रफर्मेन्स र दीर्घकालीन स्थायित्वको लागि यो फोन एक पूर्ण प्याकेज हो ।

यसैगरी सामसङको शीर्ष फोल्डेबल ग्यालेक्सी जेड फ्लिप ४ र ग्यालेक्सी जेड फोल्ड ४ फाइन ट्युनिङको पुनरावृत्ति हो । यो फोल्ड गर्न मिल्ने स्मार्टफोन प्रविधिको नयाँ इनोभेसनको परिणाम हो । जेड– सेगमेन्टका यी नयाँ प्रविधिहरुको साथ पूर्ण रुपमा डिजाइन गरिएका छन् । तिनीहरूको टिकाहरु र एजेजदेखि लिएर तिनीहरूको स्मार्टफोनको रूपमा अविश्वसनीय प्रदर्शनसम्मका डिजाइनहरु पूर्ण रुपमा राम्रोसँग गरिएका छन् । ग्यालेक्सी जेड फ्लिप ४ को पकेटेबिलिटीलाई थप विस्तारको आवश्यकता पर्दैन ।

विशेषगरी आफ्नो फोनलाई आफ्नो दैनिक गतिविधिहरूमा केन्द्रविन्दु बनाउने ती प्रयोगकर्ताहरूका लागि ग्यालेक्सी जेड फोल्ड४ को अमेजिङ मल्टिटास्किङ क्षमता लगानी गर्न लायकको मूख्य विशेषता हो । जेड फोल्ड ४ र जेड फ्लिप ४ दुबैमा फ्लेक्स–मोडले फोनको क्यामेराहरूसँग राम्रोसँग काम गर्दछ । सामसङले गत वर्ष अविश्वसनीय रेञ्जका यी स्मार्टफोनहरूको केही सेटहरु उपलब्ध गराएको थियो ।

कम्पनीका प्रमुख उत्पादनहरू नयाँ इनोभेसनको संसारमा अग्रपंक्तिमा छ । यी स्मार्टफोन प्रविधिको कुरा गर्दा यो कम्पनीको विश्वलाई प्रदान गर्ने उत्कृष्ट प्रविधि उपलब्ध गराउने प्रतिबद्धताको प्रमाण हो । यी सबै अब नेपालमा खरिदका लागि उपलब्ध रहेको कम्पनीले जनाएको छ ।