रिद्धि सिद्धि सिमेन्टद्वारा आयोजित एक दिने स्वास्थ्यशिविर

काठमाडौँ । रिद्धि सिद्धि सिमेन्ट लिमिटेडले एक दिने स्वास्थ्यशिविर सम्पन्न गरेको छ । कम्पनीको आयोजनामा गत बुधबार एक दिने स्वास्थ्यशिविर सम्पन्न भएको हो ।

राक्सिराङ्ग गाउँपालिकाको कार्यालय र राक्सिराङ्ग गाउँपालिका वडा नं. ४ को समन्वय तथा सहयोगमा आयोजित सो शिविरमा कलेज अफ मेडिकल साइन्सेसको प्राविधिक सहयोग रहेको थियो ।

रिद्धि सिद्धि सिमेन्ट लिमिटेडका सीईओ गुण बहादुर खनालको प्रमुख आतिथ्यमा सञ्चालित उक्त शिविरमा कलेज अफ मेडिकल कलेजका म्यानेजर दुर्गा नेउपाने, समाजसेवी सम्राट तुम्बाहाम्फे, राक्सिराङ्ग गाउँपालिकाका प्रमुख प्रशासकीय अधिकृत देवचन्द्र गर्तौलालगायतले आतिथ्य ग्रहण गरेका थिए ।