काठमाडौं । नेपाल जाइका एसोसिएसन (जान) को ४९औँ वार्षिक साधारणसभा एक विशेष कार्यक्रमका बीच सम्पन्न भएको छ । कार्यक्रममा नेपालका लागि जापानी राजदूत युताका किकुताले नेपालको सामाजिक तथा आर्थिक विकासमा जापानले गर्दै आएको सहयोग निरन्तर रहने बताए ।
उनका अनुसार जापानले नेपाललाई लामो समयदेखि कृषि, स्वास्थ्य सेवा, शिक्षा, पूर्वाधार विकास, सुशासन, शान्ति स्थापना तथा भूकम्पपछिको पुनर्निर्माणका क्षेत्रमा सहयोग गर्दै आएको छ । जानले नेपाल र जापानबीच आपसी सहयोग आदानप्रदान र दुई देशबीचको सम्बन्ध सुदृढ बनाउने कार्यमा निरन्तर रुपमा निभाएको भूमिकाको उनले प्रशंसा समेत गरे । कार्यक्रममा जाइका नेपालका प्रमुख आकिमिचु ओकुवोले जापानले नेपालमा मानव स्रोत विकासमा लामो समयदेखि सहयोग गर्दै आएको र यसलाई भविष्यमा समेत निरन्तरता दिइने बताए । यस्तै जानका अध्यक्ष डा. रामचन्द्र भुसालले नेपालको दिगो विकासमा निरन्तर सहयोग गर्दै आएको जापानले भूकम्प, भूकम्पपछिको पुनर्निर्माण र कोभिड –१९ को महामारीमा ठूलो सहयोग गरेको बताए । आगामी दिनमा पनि नेपालको दिगो विकासका लागि जापान सरकार र जापानी जनताको सहयोग निरन्तर रहने उनको विश्वास थियो ।
कार्यक्रममा जानका महासचिव शान्तिलक्ष्मी शाक्यले जानका गतिविधिहरुबारे प्रगति प्रतिवेदन पेश गरेकी थिइन् । कार्यक्रममा नेपाल–जापान सम्बन्धका विविध पक्ष र जापानी सहयोगसम्बन्धी लेख रचनाहरुको संगालो मिलन पत्रिकाको विमोचन पनि गरिएको थियो । जान जापानमा जाइका कार्यक्रमअन्तर्गत अध्ययन र तालिम पूरा गरी फर्किएका नेपाल सरकारका बहालवाला तथा सेवा निवृत्त सरकारी कर्मचारी विभिन्न सार्वजनिक क्षेत्रका प्राविधिक, प्राज्ञ, स्वतन्त्र प्राविधिक तथा व्यावसायिकको सामाजिक संस्था हो । यसले जापानी राजदूतावास, जाइका नेपाल, नेपाल सरकार र अन्य सरकारी तथा गैरसरकारी संघ÷संस्थाहरुसँग समन्वय गरी विभिन्न कार्यक्रमहरु गर्दै आएको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
- मन्त्री चौधरी र राजदूत हेक्काबीच भेटवार्ता
- चीनको औद्योगिक मुनाफामा उच्च वृद्धि
- हुन्डाइले विद्युतीय गाडी उत्पादनका लागि थप ५० अर्ब लगानी गर्ने
- पेप्सोडेन्ट नेपालको दन्त स्वास्थ्य जागरूकता कार्यक्रम
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया