काठमाडौं । अनलाइन इ–कमर्स प्लेटफर्म, दराज नेपालले वार्षिक दराज सेलर समिट आयोजना गरेको छ । यस वर्षको दराज सेलर समिट २०२३ मार्च १९ मा आयोजना गरिएको कम्पनीले जनाएको छ । कम्पनीका अनुसार यस कार्यक्रमको मुख्य एजेन्डा दराजको सबै बिक्रेताहरूलाई उनीहरुको सहयोग र प्रतिबद्धताका लागि आभार प्रकट गर्नु हो ।
कार्यक्रममा उद्योग, वाणिज्य तथा आपूर्ति मन्त्रालयका सचिव मधु कुमार मरासिनीले नेपालको इ–कमर्स उद्योग र यसको आगामी सम्भावनाहरुका बारेमा आफ्ना धारणा राखेको थिए । त्यसैगरी दराज नेपालका प्रबन्धनिर्देशक आँचल कुँवरले कम्पनीले गत वर्षमा गरेका उपलब्धिहरू, भावी वर्षको लागि दृष्टिकोण र वाणिज्य शक्तिको माध्यमबाट समुदायको उत्थान गर्न कम्पनीको प्रयासबारे जानकारी गराएकी थिइन् । कार्यक्रममा नेपाल उद्योग वाणिज्य महासंघका अध्यक्ष शेखर गोल्छाले नेपालको इकमर्स र डिजिटल अर्थतन्त्र, यसका फाइदा र बेफाइदाका साथै नेपालको इ–कमर्स उद्योगको लागि आगामी दशक कस्तो रहनेछ भन्नेबारे जानकारी गराएका थिए ।
त्यसैगरी, कार्यक्रमको समापनमा एक अवार्ड समारोह राखिएको थियो, जहाँ गत वर्षका उत्कृष्ट बिक्रेताहरुलाई विशेष ट्रफी तथा १० हजार रुपैयाँबराबरको दराज भाउचर प्रदान गरिएको थियो । यस्तै दराजले आफ्ना बिक्रेता र ग्राहकहरूलाई उच्च गुणस्तरीय सेवाहरू प्रदान गर्न प्रतिबद्धता जनाएको थियो । दराज नेपालले विगत पाँच वर्षदेखि आफ्नो सेवाअनुरुप स्थानीयको माग पूरा गर्न भरपर्दो, उपयोगी र लोकप्रिय बजारको रुपमा आफूलाई प्रस्तुत गर्दै आएको दाबी गरेको छ । दराजले द्रुुत गतिमा ईकमर्स क्षेत्रमा फड्को मारेको कम्पनीले जनाएको छ ।
क्याटेगोरी : कर्पोरेट-वाणिज्य-उद्योग
ट्याग : #Page 8
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया