पाँचौँ ब्युटिसियन ट्यालेन्टमा १३ जना चयन

काठमाडौं ।‘ब्युटिसियन ट्यालेन्ट नेपाल–२०२३’ पाँचौँ शृंखलाको काठमाडौंमा पहिलो अडिसन सम्पन्न भएको छ । पहिलो अडिसनमा राजधानी र मोफसलबाट विभिन्न ब्युटिसियनहरु सहभागी भएका थिए । नेपालका ब्युटिसियनहरुको व्यक्तित्व विकास र प्रतिभा प्रस्तुतिका लागि छ वर्षबाट हुँदै आएको छ ।

यो प्रतियोगिताको अन्तिम प्रतिस्पर्धाको लागि पहिलो अडिसनबाट १३ जना प्रतियोगीहरु चयन भएका छन् । रोज ब्युटी एकेडेमी र विलक्षण क्रियसन प्रालि.द्वारा आयोजित यो प्रतियोगिताको लागि दोस्रो अडिसन यही १० चैतमा राखिने भएको छ । अडिसन सम्पन्न भएपछि १२ चैतबाट प्रशिक्षण सुरु गर्ने र आगामी २८ चैतमा पाँचौँ ब्युटिसियन ट्यालेन्ट नेपाल २०२३ को एक भव्य समारोहबीच चयन गरिने पनि आयोजक संस्था रोज ब्युटी एकेडेमीकी अध्यक्ष एव्म वरिष्ठ ब्युटिसियन सोनी कारँजितले जानकारी दिइन् ।

उनका अनुसार प्रतियोगीहरुलाई ब्युटिसियनसम्बन्धी दुई साता लामो विभिन्न प्रशिक्षण दिएर बल्ल फाइनल प्रतियोगितामा उतारिने भएको छ । विजेताले काठमाडौं बैंकक काठमाडौंको ५० हजार रुपैयाँबराबरका हवाइ टिकट प्राप्त गर्ने आयोजक पक्षले जनाएको छ । प्रशिक्षणको क्रममा ५० हजारभन्दा बढी मूल्यको ब्युटिसियनसम्बन्धी विभिन्न प्रशिक्षण दिइनेछ ।