माउन्टेन डिउको नयाँ टीभीसी

काठमाडौं । माउन्टेन डिउले अनुप विक्रम शाहीको साथमा डरको अगाडि जित छ भन्ने नयाँ टीभीसी सार्वजनिक गरेको छ । कम्पनीको ब्रान्ड सद्भावनादूत अनुप विक्रम शाहीलाई नयाँ टीभीसीले एउटा ठूलो जोखिमपूर्ण स्टन्टमा प्रस्तुत गरेको छ ।

माउन्टेन डिउले सधैँ नै साधारण र असाधारणबीचको भिन्नता भनेको डर र आत्मशंकाभन्दा पर जाने निर्णय हो भन्ने मान्यतालाई कायमै राखेको छ । नेपाली युवाहरुलाई पकड राख्ने र चिन्तनशील विचारको सिनेम्याटिक टीभीसीमार्फत उनीहरुभित्रको डरभन्दा बाहिर निस्किन अभिप्रेरित गर्दै आएको प्रयासलाई निरन्तरता थप्दै माउन्टेन डिउले ब्राण्ड सद्भावनादूत अनुप विक्रम शाही अभिनीत आफ्नो नयाँ टीभीसी सार्वजनिक गरेको हो ।

जिन्दगी–भन्दा–ठूलो, अत्यन्त जोखिमयुक्त स्टन्ट र प्रेरणादायी कथा भएको यो नयाँ प्रचार अभियानले ब्रान्डको विद्यमान ‘डरको अगाडि जित छ’ भन्ने मूलमन्त्रलाई नेपाली उपभोक्ताहरुमाझ अझ व्यापक बनाउने विश्वास गरिएको छ । टीभीसीमा माउन्टेन डिउको विश्वासलाई दर्शाइएको छ, जस अनुसार अगाडि आइपरेको चुनौतीहरु सामना गर्नुपर्दा त्यहाँ दुई रोजाइहरु हुन्छन् या त डरदेखि डराएर भाग्ने अथवा डरलाई जितेर अगाडि बढ्ने ।

प्रचार अभियानबारे पेप्सी नेपालका वरिष्ठ मार्केटिङ्ग डाइरेक्टर अनुज गोयलले कम्पनीको नयाँ रोमाञ्चकारी र अत्यन्त जोखिमपूर्ण स्टन्टमार्फत माउन्टेन डिउले वास्तविक हिरोहरुलाई सम्मान गरेको बताए । नयाँ माउन्टेन डिउ प्रचार अभियान र टीभीसी टिभी, डिजिटल, आउटडोर र सोसल मिडियाभर व्यापकरुपमा प्रचारप्रसार गरिने उनको भनाइ छ । माउन्टेन डिउ आधुनिक एवं परम्परागत पसलहरुका साथसाथै इ–कमर्स प्लेटफर्महरुभर सिंगल/मल्टि सर्भ प्याकहरुमा उपलब्ध छ ।