पेप्सीको नयाँ टीभीसी सार्वजनिक

काठमाडौं । सर्वाधिक प्रतिष्ठित चुनौतीपूर्ण ब्राण्ड बन्ने होडमा रहेको पेप्सीले अझ बढी फिज, अझ बढी स्फूर्ति भन्ने आफ्नो सिद्धान्तलाई निरन्तरता दिन अर्को नयाँ टीभीसी सार्वजनिक गरेको छ ।

कम्पनीले सार्वजनिक गरेको टीभीसीमा ब्राण्ड सद्भावनादूत प्रदीप खड्कालाई देख्न सकिन्छ । यो नयाँ फिल्मले पनि पेप्सी युवाहरुको आवाज र रोजाइ हो भन्नेमा जोड दिएको छ । कम्पनीका अनुसार यस अभियानको मुख्य ध्येय युवाहरुलाई पेप्सी पिउन प्रोत्साहित गर्नु रहेको छ, जसले ग्राहकहरुलाई अझ बढी फिजका साथ स्फूर्तिदायी अनुभूति दिइरहेको छ ।

फिल्मको सुरुवात युवा जोडी डिनर टेबलमा चिसो पेप्सीको साथ देखिन्छ । केटा उठेर जान्छ र वेट्रेससँग अझ बढी फिज भएको चिसो पेय माग्छ । यस्तैमा ऊ नजिक चर्चित नायक प्रदीप खड्का बसिरहेको देख्छ । प्रदीपले एउटा गिलासमा कोला पेय खन्याएर ती युवालाई पिउन दिन्छन् । सो युवाको प्यास नाटकीय रुपमा मेटिन्छ र उसले वेट्रेसलाई आफूलाई पनि भर्खरै पिएको त्यही कोला पेय दिन आग्रह गर्दछ । यो सुनेर, प्रदीपले उसलाई आफूले पेप्सी पिउन दिएको बताउँछन्, यो थाहा पाएर त्यो केटा झनै अचम्ममा पर्छ किनकि उसले पेप्सीमा त्यति धेरै फिज हुन्छ भन्ने सोचेकै थिएन । त्यसपछि त्यो केटाले पेप्सीको बोतल लिन्छ र उसले अझ बढी स्फूर्तिका साथ आनन्द लिइरहेको देखिन्छ ।

पेप्सीको नेपालका एसोसिएट डाइरेक्टर अनुज गोयलले पेप्सीको नयाँ अभियानले थप गरिएको फिजलाई अनौठो कथाको माध्यमबाट प्रस्तुत गरेर ब्राण्डको स्थितिलाई अझ मजबुत बनाएको बताए । यस्तै कम्पनीका ब्राण्ड एम्बेसेडर प्रदीप खड्काले यो नयाँ अभियानले पेप्सी कसरी गृष्मयामको तापलाई शीतलतामा परिणत गराउने निर्विकल्प स्फूर्तिदायक पेय पदार्थ हो भन्ने प्रस्तुत गरेको बताए । अझ बढी फिज भएको नयाँ पेप्सी एकल र बहु पेट सर्भ प्याकहरुसहित नेपालका मोडर्न तथा ट्रेडिसनल रिटेलहरुमा र इ–कमर्स प्लेटफर्महरुमा पाइन्छ ।