आसियाना बासमती चामल नेपाल भित्रिएको एक वर्ष पूरा

काठमाडौं । आसियाना बासमती राइस (चामल)को नेपालका लागि आधिकारिक बिक्रेता रानी साती इन्टरनेशनल प्रालिले नेपालमा कारोबार सुरु गरेको एक वर्ष पुगेको छ । सो अवसरमा कम्पनीले काठमाडौंमा एक विशेष कार्यक्रम आयोजना गरेको थियो ।

व्यापार सुरु भएको एक वर्ष पुगेको अवसरमा कम्पनीले वार्षिकोत्सव तथा डिलर भेटघाट कार्यक्रम सम्पन्न गरेको हो । कार्यक्रममा आसियाना बासमती चामलका उत्पादक जीआरएम फुड्सका प्रबन्धनिर्देशक यासिल गार्गले नेपालमा विश्वस्तरीय चामल नै उपलब्ध गराउने र थप व्यापार विस्तार गर्ने प्रतिबद्धता जनाएका थिए ।

नेपाल, भारत तथा विश्वका धेरै देशहरुमा बिक्रीवितरण भएको आसियाना बासमती चामल काठमाडौंलगायत पूरै देशभर बिक्री विस्तार गर्ने योजना रहेको कम्पनीले जनाएको छ ।

उपभोक्ताको मागलाई ध्यानमा राखेर उत्पादन भएको उक्त उत्पादन नेपाली ग्राहकहरुमाझ एक वर्षमै निकै रुचाइएको मूलायम तथा बास्नादार चामलको ब्राण्डमा परेको कम्पनीको दाबी छ । कार्यक्रममा देशैभर छरिएर रहेका ३० भन्दा बढी आसियाना चामलका डिलरहरुलाई सम्मान तथा पुरस्कार वितरण गरिएको थियो । नेपालभरबाट उत्कृष्ट व्यापार गर्ने डिलरलाई कम्पनीले उपहारस्वरुप विभिन्न उपहार उपलब्ध गराएको हो ।

सन् १९९० मा स्थापना भएको यस कम्पनीले राष्ट्रिय तथा अन्तर्राष्ट्रिय बजारमा चामल उपलब्ध गराएकोे छ । ५० वर्षभन्दा पुरानो कम्पनीद्वारा उत्पादित यो चामल हरियाणाको प्रख्यात चामल हो । रानी सातीले नेपालमा आसियाना चामलसँगै विभिन्न उत्पादनहरु पिसा आटा, रामदेव तेल, इन्दु शंकर चिनी तथा राज हंस तेलजस्ता उत्पादनहरु बिक्रीवितरण गर्दै आएको छ ।