लामो रुटमा चल्न थाले साझाका बिजुली बस 

काठमाडौं । ललितपुर महानगरपालिकाका मेयर चिरिबाबु महर्जनले साझा यातायातको बिजुली बस सेवा सुरुवात गरेका छन् । साझा यातायातले पाटनढोकाबाट रत्नपार्क हुँदै ज्ञानेश्रर(जोरपाटी (दक्षिणढोका) सम्मको बिजुली बस सेवा आरम्भ गरेको छ ।

फर्किंदा दक्षिणढोका–जोरपाटी–चाबहिल–गौशाला–रातोपुल–घण्टाघर–जमल–माइतीघर–पाटनढोका रुटबाट चल्ने ३ वटा बसहरुको सेवा उद्घाटन भएको हो । यो रुटमा १५ वटासम्म बिजुली बस चलाउने साझाको योजाना छ । यसअघि साझाले गत असारदेखि परीक्षणका रुपमा ३ वटा बिजुली बसमार्फत सेवा दिंदै आएको छ ।

चीनको सीएचटीसी कम्पनीले बनाएको ब्याट्रीबाट चल्ने ४० बस साझाले ६१ हरोड ८३ लाख ४५ हजार ७३२ रुपैयाँको लागतमा किनेको थियो । ३० असार २०७६ मा तत्कालीन केपी ओली नेतृत्व सरकारले बिजुलीबाट चल्ने सार्वजनिक यातायातको प्रोत्साहन गर्न साझा यातायात सहकारी संस्थालाई ३ अर्ब रुपैयाँ दिने निर्णय गरेको थियो ।