‘सेप साउथ एसिया–२०२३’ युवा सम्मेलन शुक्रबारदेखि
काठमाडौं । काठमाडौंमा शुक्रबारदेखि ‘सेप साउथ एसिया–२०२३’ नामक युवा सम्मेलन सुरु हुँदैछ । जलवायु परिवर्तनका कारण सबैभन्दा बढी जोखिममा रहेको दक्षिण एसिया क्षेत्रलाई संकटसँग जुध्न सक्षम पार्ने उद्देश्यले हुन लागेको यो सम्मेलन तीन दिनसम्म चल्ने आयोजकले जनाएको छ ।
सम्मेलनमा १४ देशका १०० भन्दा धेरै युवाहरूको सहभागिता हुने बताइएको छ । यो सम्मेलनको मुख्य विषय ‘हिमालय क्षेत्रमा जलवायु उत्थानशीलता, सबैको लागि भलाइ’ भन्ने रहेको छ । ग्लोबल सेपर्स कम्युनिटी काठमाडौं र एनसेल एक्जियाटाको संयुक्त आयोजनामा हुन लागेको यो सम्मेलनमा सहभागीहरूले जलवायु समस्या समाधानका लागि नवीनतम् र अन्यत्र लागू गर्न सक्ने समाधानका उपायको बारेमा छलफल गर्नेछन् । दक्षिण एसियाली राष्ट्रमा आयोजना गरिएको यो कार्यक्रमको नाम नै ‘सेप साउथ एसिया–२०२३’ दिइएको आयोजक संस्थाको भनाइ छ ।
आयोजकका अनुसार सम्मेलनमा विभिन्न विषयगत सत्रहरूमा आयोजना हुनेछन् । साथै, युवा तथा जलवायु परिवर्तनका क्षेत्रमा कार्यरत संस्थाहरूको आवाज समेटेर एउटा पैरवी पत्र अर्थात् एडभोकेसी पेपर समेत जारी गरिने आयोजकले जनाएको छ । कार्यक्रममा सिएनआई, नेपाल चेम्वर अफ कमर्स जस्ता निजी क्षेत्रका प्रतिनिधिमूलक संस्थाले जलवायु परिवर्तन न्यूनीकरण गर्न संयुक्त प्रतिबद्धता समेत व्यक्त गर्नेछन् । सम्मेलनमा सहरमा आधारित परियोजनाको घोषणा गरिनेछ भने व्यावसायिक तथा निजी क्षेत्रले जलवायु परिवर्तनमा के–कस्तो योगदान गर्न सक्छन् भन्ने विषयमा छलफल हुने बताइएको छ ।
एनसेलका प्रमुख कार्यकारी जाबोर कायुमोभले यो अन्तर्राष्ट्रिय सम्मेलनले जलवायु परिवर्तनको समस्या समाधानका लागि अपासी सहकार्यको विकास गर्ने बताए । यस्तै, व्यवसाय र पृथ्वी दुवैलाई बाँच्न सक्ने वातावरणको सिर्जना गर्न योगदान गर्ने पनि उनको भनाइ छ । सम्मेलनको स्थानीय आयोजक ग्लोबल सेपर्स काठमाडौ रहेको छ भने स्विस एजेन्सी फर डेभलपमेन्ट एन्ड को–अपरेसन(एसडीसी), सेक्युरिटीपल, कोकाकोला, एनआईबीएल एस क्यापिटल, नबिल बैंक र इसिमोडले सम्मेलनलाई सहयोग गरेका छन् ।
वर्ल्ड इकोनोमिक फोरमको सक्रियतामा स्थापना भएको ग्लोबल सेपर्स कम्युनिटीमा विश्वका १५२ देशका ५०५ शहरहरूमा केन्द्र (हब) रहेका छन् । सम्मेलनको आयोजना गर्नुअघि आयोजकहरूले वृक्षारोपण अभियानअन्तर्गत् तराई क्षेत्रसहित देशका विभिन्न स्थानमा २२ सय बिरुवा रोपेका छन् ।
क्याटेगोरी : कर्पोरेट-वाणिज्य-उद्योग
ट्याग : #Page 8
ताजा अपडेट
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया