Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठकर्पोरेट-वाणिज्य-उद्योगरोजगार मेला नियमित आयोजना गर्न सुुझाव

रोजगार मेला नियमित आयोजना गर्न सुुझाव


काठमाडौं । नेपाल उद्योग वाणिज्य महासंघले आयोजना गरेको रोजगार मेलालाई नियमित गर्न कम्पनीहरूले सुझाव दिएका छन् । श्रम, रोजगार तथा सामाजिक सुरक्षा मन्त्रालय र अन्तर्र्राष्ट्रिय श्रम संगठनको सहयोगमा आयोजना गरिएको मेलामा नेपालमा रहेका ५४ वटा प्रतिष्ठित कम्पनीहरूको सहभागिता थियो भने कम्पनीहरूले करिब छ सय रोजगारीको अवसर खुला गरेका थिए ।

मेलामा कामको खोजीमा रहेका युवाहरूको निकै ठूलो सहभागिता रहेको थियो । मेलामार्फत करिब १० प्रतिशतले रोजगारी प्राप्त गरेको प्रारम्भिक अनुमान छ । धेरैजसो कम्पनीहरूले रोजगार मेलामा भाग लिन आएका युवाहरूलाई मेलापश्चात थप छलफलका लागि कम्पनीको सम्पर्कमा आउन समेत अनुरोध गरेका छन् । मेलामा दुई हजारभन्दा बढी युवाहरूले अवलोकनका लागि रजिस्ट्रेसन गरेका थिए । कामको खोजीको लागि चारतिर भौतारिनुुपर्ने र त्यसका लागि समय, पैसासमेत खर्च गर्नुपर्ने बाध्यतालाई एकै ठाउँमा कम्पनीहरू तथा कामको खोजीमा रहेकाहरूलाई भेला गराएर कार्यक्रम आयोजना गर्दा ठूलो राहत मिलेको सहभागी युवाहरूले बताएका छन् । रोजगार मेला महासंघको वस्तुुगत परिषद्को पहलमा भएको हो ।

महासंघका कोषाध्यक्ष निरक केसीले रोजगार मेलाले कामको खोजीमा रहेका युवाहरूलाई ठूलो सहयोग गरेको बताए । रोजगार मेलामा सूचना प्रविधि, व्यवस्थापन, शिक्षा, स्वास्थ्य, कृषि, पूर्वाधार, सेवा, पर्यटनलगायतका क्षेत्रसँग सम्बद्ध कम्पनीहरूको सहभागिता थियो ।


क्याटेगोरी : कर्पोरेट-वाणिज्य-उद्योग
ट्याग : #page 3

तपाईको प्रतिक्रिया