सामसङको ग्यालेक्सी एफ ५४ नेपालमा सार्वजनिक

काठमाडौं । सामसङले नयाँ ग्यालेक्सी एफ ५४ स्मार्टफोन फाइभजी नेपालमा सार्वजनिक गरेको छ । कम्पनीको यो नयाँ हाइरेन्ज स्मार्टफोन शक्तिशाली रहेको कम्पनीको भनाइ छ । छ दशमलव सात इन्च सुपर एमोलेड प्लस डिस्प्ले र १२० हर्ज रिफ्रेस रेटको साथ यस फोनले उपभोक्ताहरूले सहजरूपमा हेर्न र स्क्रोल गर्न सक्छन् । आठ जीबी ¥याम क्षमता र २५६ जीबी आन्तरिक मेमोरीको साथ उपलब्ध छ ।

यसमा रहेको १०८ एमपी मुख्य क्यामेरा, आठ एमपी अल्ट्रा–वाइड र दुई एमपी म्याक्रो लेन्स क्यामेराबाट हुने ट्रिपल–लेन्स सेटअपले प्रयोगकर्ताहरूले एड्भान्स क्यामेराको अनुभव पाउनेछन् । यसबाहेक पनि मुख्य क्यामेरामा भएको ओआईएस तथा भीडीआईएसले कम प्रकाशमा पनि उत्कृष्ट फोटोहरू खिच्न दिन्छ । ग्यालेक्सी एफ ५४ ले रातको समयमा पनि सफा स्पष्ट डिटेल भएको फोटोहरू दिन्छ । यसको अगाडि रहेको ३२ मेगा पिक्सेल लेन्स क्यामेराको प्रयोग गरी हाई क्वालिटीको सेल्फी, भिडियो र भिडियो कलहरू गर्न सकिने कम्पनीको भनाइ छ ।