प्राइम लाइफद्वारा आफ्ना सम्पूर्ण कर्मचारीको कोरोना बीमा

काठमाडौं, वैशाख १६
प्राइम लाइफ इन्स्योरेन्स कम्पनीले आफ्ना सम्पूर्ण कर्मचारीहरूको कोरोना बीमा गरेको छ । कम्पनीले आफ्ना सम्पूर्ण कर्मचारीहरूको प्रतिव्यक्ति एक लाख रूपैयाँको दरमा कोरोना बीमालेख प्रदान गर्ने निर्णय गरेको हो । हाल विश्वव्यापीरूपमा फैलिइरहेको कोरोना भाइरस (कोभिड १९) रोगको संक्रमणबाट आर्थिक सुरक्षा प्रदान गर्ने उद्देश्यले उक्त निर्णय गरेको कम्पनीले जनाएको छ । साथै कम्पनीले बीमा समितिबाट सञ्चालनमा आएको कोभिड १९ रोगको संक्रमणसम्बन्धी बीमा गर्ने निर्णय गरेकोे समेत गरेको जानकारी समेत कम्पनीले दिएको छ ।

चुक्ता पुँजी दुुई अर्ब ७९ लाख ३९ हजार रूपैयाँ कम्पनीले चालू आर्थिक वर्षको दोस्रो त्रैमासिक अवधिमा १५ करोड ६० लाख ५४ हजार रूपैयाँ खुुद मुनाफा कमाएको छ । गत आवको सोही अवधिमा भने कम्पनीको यस्तो नाफा नौ करोड पाँच लाख २६ हजार रूपैयाँ रहेको थियो । चालू आवको दोस्रो त्रैमासिक अवधिमा प्रतिसेयर आम्दानी १५ रूपैयाँ ५४ पैसा रहेको कम्पनीको प्रतिसेयर नेटवर्थ भने एक सय ५८ रूपैयाँ ४६ पैसा रहेको छ ।