गरिमा विकास बैंकद्वारा सरल घर कर्जा र आवधिक कर्जा सार्वजनिक

काठमाडौं । गरिमा विकास बैंक लिमिटेडले हरेक नेपालीहरूको ‘आप्mनै घर–आप्mनै व्यवसाय’को सपनालाई साकार पार्ने उद्देश्यसहित ११ दशमलव ९९ प्रतिशत ब्याजदरमा गरिमा सरल घर कर्जा र गरिमा सरल एसएमई आवधिक कर्जा सार्वजनिक गरेको छ । कर्जासम्बन्धी सम्पूर्ण कागजात पेस गरेको दुई कार्य दिनभित्र स्वीकृत हुने गरिमा सरल घर कर्जा र गरिमा सरल एसएमर्ई कर्जाको ब्याज सात वर्षसम्म निश्चित ११ दशमलव ९९ प्रतिशत रहने छ ।

बैंकका अनुसार ११ दशमलव ९९ प्रतिशतको निश्चित तथा आकर्षक ब्याजदरमा घर खरिद वा निर्माण गर्नका लागि गरिमा सरल घर कर्जा र व्यवसाय/उद्यम सुरुवात वा विस्तार गर्ने प्रयोजनको लागि गरिमा सरल एसएमई आवधिक कर्जा सुविधा लिन इच्छुक ग्राहकहरूले आफूलाई पायक पर्ने यस विकास बैंकको शाखा कार्यालयमा सम्पर्क गर्न सक्ने छन् । हाल गरिमा विकास बैंक लिमिटेडले देशभर एक सय २१ वटा शाखा कार्यालय, ५० एटीएम र डिजिटल बैंकिङमार्फत ग्राहकहरूलाई अत्याधुनिक र गुणस्तरीय सेवा प्रदान गर्दै आइरहेको छ ।