मनकामना इन्जिनियरिङ हाइड्रोको सेयर बाँडफाँट

काठमाडौं । मनकामना इन्जिनियरिङ हाइड्रोपावरको कम्पनीको साधारण सेयरको बाँडफाँट सम्पन्न भएको छ । कम्पनीको सेयर निष्काशन एवम् बिक्री प्रवन्धक बिओके क्यापिटल लिमिटेडका अनुसार सर्वसाधारणलाई जारी गरिएको साधारण सेयर गोलाप्रथामार्फत कुल दुई लाख २७ हजार छ सय ६२ जनामा बाँडफाँट गरिएको हो ।

साधारण सेयरको लागि कुल १३ लाख १६ हजार पाँच सय २९ जनाले आवेदन दिएकामा पाँच हजार ११ जनाको आवेदन रद्द भएको बिक्री प्रबन्धक बीओके क्यापिटलले जानकारी दिएको छ । बाँकी १३ लाख ११ हजार पाँच सय १७ जना योग्य आवेदकलाई गोलाप्रथामा सहभागी गराइएको कम्पनीले जनाएको छ । कम्पनीले साउन २८ गतेदेखि ३१ गतेसम्म सर्वसाधारणका लागि २२ लाख ७६ हजार छ सय २० कित्ता साधारण सेयरको बिक्री खुल्ला गरेको थियो ।