मेरो माइक्रोफाइनान्सको खुद नाफा घट्यो

काठमाडौं । मेरो माइक्रोफाइनान्स लघुवित्त वित्तीय संस्थाको खुद नाफा घटेको छ । संस्थाले आर्थिक वर्ष २०७९/८० मा सात करोड १९ लाख ३१ हजार छ सय ४१ रुपैयाँ खुद नाफा कमाएको छ । अघिल्लो आवमा भने संस्थाको यस्तो नाफा ३७ करोड तीन लाख सात हजार आठ सय ९० रुपैयाँ रहेको थियो ।

हाल चुक्ता पुँजी एक अर्ब ३२ करोड रुपैयाँ रहेको संस्थाले आव २०७९/८० मा तीन अर्ब ४२ करोड ४७ लाख ७५ हजार आठ सय ७२ रुपैयाँ निक्षेप संकलन गरी १३ अर्ब ९३ करोड ३२ लाख ६० हजार तीन सय ५६ रुपैयाँ कर्जा प्रवाह गरेको छ । सो अवधिमा ७६ करोड १९ लाख ४१ हजार आठ सय १३ रुपैयाँ खुद ब्याज आम्दानी गरेको संस्थामा पाँच दशमलव ८४ प्रतिशत कर्जा निष्क्रिय रहेको छ भने स्प्रेडदर चार दशमलव १८ प्रतिशत रहेको छ ।

अघिल्लो आवमा भने संस्थाले तीन अर्ब ४१ करोड ९० लाख ८४ हजार चार सय ५७ रुपैयाँ निक्षेप संकलन गरी १६ अर्ब ३५ करोड ८८ लाख ७९ हजार तीन सय १४ रुपैयाँ कर्जा प्रवाह गरेको थियो । उक्त अवधिमा एक अर्ब नौ करोड १७ लाख ४३ हजार एक सय ९४ रुपैयाँ खुद ब्याज आम्दानी गरेको संस्थामा दुई दशमलव ९४ प्रतिशत कर्जा निष्क्रिय रहेको थियो भने स्प्रेडदर तीन दशमलव ९५ प्रतिशत रहेको थियो ।