कर्जा सुरक्षण कोषमा रक्तदान

काठमाडौं । निक्षेप तथा कर्जा सुरक्षण कोषको आयोजनामा रक्तदान कार्यक्रम सम्पन्न भएको छ । कोषको ५० औँ वार्षिकोत्सवको अवसरमा मंगलबार कोषको केन्द्रीय कार्यालय टंगालमा खुला रक्तदान कार्यक्रमको आयोजना गरिएको कोषले जानकारी दिएको छ ।

सो अवसरमा कोषका कर्मचारी तथा विभिन्न बैंक तथा वित्तीय संस्थाका प्रतिनिधिलगायत जम्मा ४४ जना व्यक्तिले रक्तदान गरेका छन् । रक्तदान गर्ने व्यक्तिलाई कोषका प्रमुख कार्यकारी अधिकृत रमेश घिमिरेले प्रशंसापत्र प्रदान गरेको कोषले जानकारी दिएको छ ।