कामना सेवाद्वारा कृष्ण प्रणामी मन्दिरलाई रेफ्रिजेरेटर हस्तान्तरण

काठमाडौं । कामना सेवा विकास बैंकले श्रीकृष्ण प्रणामी मन्दिरलाई रेफ्रिजेरेटर हस्तान्तरण गरेको छ । बैंकले आफ्नो संस्थागत सामाजिक उत्तरदायित्वअन्तर्गत शाखा कार्यालय सिर्जनाचोकमार्फत पोखरा मनपा वडा नं ८, रत्नचोकस्थित सो मन्दिरलाई कृष्ण जन्माष्टमीको अवसरमा रेफ्रिजेरेटर हस्तान्तरण गरेको हो । रेफ्रिजेरेटरले मन्दिरको भान्सा व्यवस्थापनमा सहयोग पुगोस् भन्ने उद्देश्य लिइएको बैंकले जनाएको छ ।

बैंकका सञ्चालक बलराम बरालले मन्दिरको व्यवस्थापन समितिका अध्यक्ष पुरुषोत्तम रेग्मीलाई उक्त रेफ्रिजेरेटर हस्तान्तरण गरेका थिए । बैंकले जन्माष्टमीको अवसरमा समितिद्वारा आयोजित श्रीकृष्ण प्राकट्य महा महोत्सव कार्यक्रममा सो सहयोग हस्तान्तरण गरेका हुन् ।