सेञ्चुरी बैंक र एफवान सफ्टबीच मोबाइल बैंकिङ सेवाका लागि सम्झौता
काठमाडौं, वैशाख २२
सेञ्चुरी कमर्सियल बैंक र एफवान सफ्ट इन्टरनेशनलबीच सम्झौता भएको छ । बैंकले मोबाइल बैंकिङ सेवाको लागि एफवाट सफ्टसँग सम्झौता गरेको हो । सम्झौतामा बैंकका तर्फबाट चिफ बिजनेस डेभलपमेन्ट अफिसर सुवासबहादुर श्रेष्ठ र एफवान सफ्टका तर्फबाट प्रमुख कार्यकारी अधिकृत सुवास शर्माले हस्ताक्षर गरेका छन् । सम्झौताअनुसार अब बैंकले सेञ्चुरी–पे नामक मोबाइल एप्समार्फत मोबाइल बैंकिङ सेवा उपलब्ध गराउनेछ ।
सेञ्चुरी–पेमार्फत ग्राहकले ५० भन्दा बढी बैंकका खातामा रकम ट्रान्स्फर, बिजुलीको महशुल, टीभी, इन्टरनेटको बिल भुक्तानी, मोबाइल रिचार्ज, हवाइ जहाज, बस तथा सिनेमाको टिकट खरिदका साथै एक लाखभन्दा बढी मर्चेन्टमा क्यूआर कोडमार्फत भुक्तानी गर्न सकिनेछ । यसैगरी सेञ्चुरी–पेमा आफ्नो मोबाइलमार्फत आफैँ मोबाइल बैंकिङ एक्टिभ गर्न सकिनुका साथै फिङ्गर प्रिन्ट इनेबल गरी सहजै कारोबार गर्न सकिनेछ । एफवान सफ्टले तयार गरेको यो मोबाइल एप्समा अत्याधुनिक सुरक्षा प्रणाली अपनाइएको छ ।
देशकै कान्छो वाणिज्य बैंकको रूपमा स्थापित सेञ्चुरी कमर्सियल बैंकले अत्याधुनिक किसिमको बैंकिङ सेवा दिँदै आएको छ । बैंकले हाल एक सय १३ शाखा, १० एक्टेन्सन काउन्टर, १७ शाखारहित बैंकिङ, ८३ वटा एटीएममार्फत सेवा दिँदै आएको छ । सफ्टवेयरको क्षेत्रमा ख्याति कमाएको एफवान सफ्ट कम्पनी नेपालका ठूला आईटी कम्पनीमध्येको एक हो ।
सन् २००४ बाट सञ्चालनमा आएको एफवान सफ्टले वित्तीय क्षेत्रका सफट्वेयर निर्माण तथा उत्पादन गर्दै नेपाललगायत विदेशी मुलुकमा बिक्री वितरण गर्दै आएको छ । एफवान सफ्टकै भगिनी संस्था इ सेवा नेपालको पहिलो र बजार हिस्सामा पनि नम्बर वान पेमेन्ट गेट–वे कम्पनी हो । बैंकले चालू आर्थिक वर्षको दोस्रो त्रैमासिक अवधिमा ६५ करोड दुुई लाख ८७ हजार रूपैयाँ खुद मुनाफा आर्जन गरेको छ । यस अवधिमा बैंकको वितरणयोग्य नाफा भने ४२ करोड ३० लाख पाँच हजार रूपैयाँ रहेको छ ।
गत आवको सोही अवधिमा बैंकको यस्तो नाफा ५१ करोड ८१ लाख ६८ हजार रूपैयाँ रहेको थियो । चुक्ता पुँजी आठ अर्ब ४१ करोड ५४ लाख ७२ हजार रूपैयाँ रहेको बैंकले चालू आवको दोस्रो त्रैमासिक अवधिमा ६१ अर्ब २४ करोड ७८ लाख ८२ हजार रूपैयाँ निक्षेप संकलन गरी ५९ अर्ब ५० करोड ७१ लाख २३ हजार रूपैयाँ कर्जा प्रवाह गरेको छ । सो अवधिमा एक अर्ब ५२ करोड ७८ लाख ६१ हजार रूपैयाँ खुद ब्याज आम्दानी गरेको बैंक्मा एक दशमलव ६७ प्रतिशत कर्जा निष्क्रिय रहेको छ ।
गत आवको सोही अवधिमा बैंकले ६० अर्ब २७ करोड ६४ लाख ९६ हजार रूपैयाँ निक्षेप संकलन गरी ५६ अर्ब ९३ करोड ४१ लाख २६ हजार रूपैयाँ कर्जा प्रवाह गरेको थियो । उक्त अवधिमा एक अर्ब ३३ करोड ९३ लाख ५९ हजार रूपैयाँ खुद ब्याज आम्दानी गरेको बैंकमा शून्य दशमलव ८४ प्रतिशत कर्जा निष्क्रिय रहेको थियो ।
क्याटेगोरी : बैंक बित्त बजार
ताजा अपडेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
- सेयर बजारमा झिनो अंकले सुधार
- कांग्रेसका नेता तथा सांसद टेक बहादुर गुरुङको निलम्बन फुकुवा !
- नेपालमा लगानी गर्न प्रधानमन्त्री दाहालको आग्रह
- कति उपलब्धिमुलक रह्यो कतारका अमिरको नेपाल भ्रमण ?
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया