हिमालयन रि–इन्स्योरेन्सले साधारण सेयर जारी गर्ने

काठमाडौं । हिमालयन रि–इन्स्योरेन्सले साधारण सेयर जारी गर्ने भएको छ । कम्पनीले प्रतिकित्ता एक सय रुपैयाँ अंकित मूल्यमा एक सय आठ रुपैयाँ प्रिमियम मूल्य थप गरी प्रतिकित्ता दुई सय आठ रुपैयाँ अन्तिम मूल्यमा तीन करोड कित्ता साधारण सेयर जारी गर्ने तयारी गरेको हो ।

साधारण निष्काशनको लागि अनुमति माग्दै कम्पनीले नेपाल धितोपत्र बोर्ड समक्ष आवेदन दिएको छ । कम्पनीको साधारण सेयरको निष्काशन तथा बिक्री प्रबन्धकको रूपमा एनएमबी क्यापिटल लिमिटेड रहेको छ ।