एभिएसन बीमाको क्षेत्रमा छलाङ मार्दै सलिको

काठमाडौं । लुम्बिनी जनरल इन्स्योरेन्स कम्पनी लि. र सगरमाथा इन्स्योरेन्स कम्पनी लि. एक–आपसमा गाभिएपछि कायम हुन आएको सगरमाथा लुम्बिनी इन्स्योरेन्सले ग्राहक वर्गको थप विश्वास तथा माया हासिल गर्दै हवाइ बीमाका क्षेत्रमा समेत आफूलाई अब्बल साबित गर्न सफल भएको छ ।

नेपालमा रहेका एभिएसन कम्पनीहरूमध्ये सातवटा कम्पनीहरूको बीमा गर्दै आइरहेको सलिको निर्जीवन बीमा कम्पनीहरूले प्रकाशित गरेको चालू अर्थिक वर्ष २०८०/८१ को पहिलो त्रैमासिक विवरणअनुसार सातवटा एभिएसन कम्पनीहरूको रक्षाकवचका रूपमा रहेको छ भने सर्वाधिक बीमा शुल्कबापतको आम्दानी गर्न सफल सलिकोले दाबी भुक्तानीतर्फ समेत सर्वाधिक भुक्तानी गरी विपत्को समयमा राहत प्रदान गर्न सफल भएको छ ।

कम्पनीमा बीमा गराउने एभिएसन कम्पनीको संख्या र बीमाशुल्कको आधारमा सलिको इन्स्योरेन्स सरकारी बीमा कम्पनीबाहेकको बजार हिस्साको आधारमा अग्रणी स्थानमा रहेको देखिन्छ । कम्पनीमा बीमा गराएका हवाइ साधनहरूमध्ये चारवटा हेलिकोप्टर दुर्घटना परेकोमा श्री हेलि एभरेष्टको हेलिकप्टर दुर्घटनाको क्षतिपूर्तिबापत भाद्र महिनासम्ममा करिब २९ करोड रूपैयाँ भुक्तानी गरिसकेको छ । बाँकी दुर्घटनाहरूको दाबी भुक्तानीसम्बन्धी प्रक्रिया तीव्रताका साथ अगाडि बढाइएको छ ।