कामना सेवा बिकास बैंकको पहिलो त्रैमासिक नाफा ११ करोड ९५ लाख

काठमाडौं । कामना सेवा बिकास बैंकले चालु आर्थिक बर्षको पहिलो त्रैमासिक अवधिमा ११ करोड ९५ लाख २१ हजार आठ सय ८० रुपैयाँ खुद मुनाफा आर्जन गरेको छ । अघिल्लो आवको सोही अवधिमा भने बैंकको यस्तो नाफा चार करोड १५ लाख ६१ हजार तीन सय १० रुपैयाँ रहेको थियो ।

हाल चुक्ता पुँजी तीन अर्ब २८ करोड ११ लाख चार हजार चार सय ६९ रुपैयाँ रहेको बैंकले चालु आवको पहिलो त्रैमासिक अवधिमा ५४ अर्ब ८३ करोड ५६ लाख ८५ हजार सात सय ५३ रुपैयाँ निक्षेप संकलन गरी ४३ अर्ब ५१ करोड २२ लाख ९१ हजार एक सय ९० रुपैयाँ कर्जा प्रवाह गरेको छ । सो अवधिमा ४९ करोड नौं लाख १० हजार सात सय २१ रुपैयाँ खुद व्याज आम्दानी गरेको बैंकमा निष्क्रिय कर्जाको अनुपात तीन दशमलव ४८ प्रतिशत रहेको छ । स्प्रेड दर भने चार दशमलव ५८ प्रतिशत रहेको बैंकको वितरणयोग्य नाफा भने दुई करोड ५६ लाख ३० हजार तीन सय ९० रुपैयाँ रहेको छ  ।

गत आवको सोही अवधिमा भने बैंकले ५३ अर्ब ४७ करोड २४ लाख १० हजार पाँच सय ५७ रुपैयाँ निक्षेप संकलन गरी ४३ अर्ब ८५ करोड १३ लाख ३७ हजार तीन सय ४५ रुपैयाँ कर्जा प्रवाह गरेको थियो । उक्त अवधिमा ५२ करोड २२ लाख ९२ हजार पाँच सय ९२ रुपैयाँ खुद व्याज आम्दानी गरेको बैंकमा तीन दशमलव ४० प्रतिशत कर्जा निष्क्रिय रहेको थियो भने स्प्रेड दर चार दशमलव ६७ प्रतिशत रहेको थियो ।