सिटिजन लाइफको जीवन बीमा कोष दुई सय १२ प्रतिशतले बढ्यो
काठमाडौं, वैशाख ३१
सिटिजन लाइफ इन्स्योरेन्स कम्पनी लिमिटेडले चालू आर्थिक वर्षको तेस्रो त्रैमासिक अपरिष्कृत वित्तीय विवरण सार्वजनिक गरेको छ । वित्तीय विवरणअनुसार कम्पनीले आफ्नो व्यवसाय वृद्धिसँगै जीवन बीमा कोष बलियो बनाउँदै सो मा दुई सय १२ प्रतिशतले वृद्धि गरेको जानकारी दिएको छ ।
गत चैत्र मसान्तमा कम्पनीको जीवन बीमा कोष ४० करोड ४७ लाख रूपैयाँ रहेकोमा यस चैत्र मसान्तमा सो रकम एक अर्ब २६ करोड ४५ लाख पुगेको छ । यसका साथै सोही अवधिमा कम्पनीको खुद बीमा शुल्कमा पनि ७९ प्रतिशतको वृद्धि भएको छ । कम्पनीले गत आवको चैत्र मसान्तसम्ममा खुद बीमा शुल्क ६५ करोड पाँच लाख संकलन गरेकोमा यस आवको सोही अवधिमा एक अर्ब १६ करोड ३५ लाख रूपैयाँ खुद बीमा शुल्क संकलन गर्न जानकारी दिएको छ ।
जीवन बीमा व्यवसायमा लगानीको अवधिले कम्पनीको आयमा प्रत्यक्ष प्रभाव पार्ने भएकोले कम्पनीले दीर्घकालीन लगानीलाई प्राथमिकता दिई कुल लगानी रकम करिब तीन अर्ब ६० करोड मध्ये ९६ प्रतिशत रकम विभिन्न बैंक तथा वित्तीय संस्थाको लामो अवधिको ऋणपत्र तथा मुद्दती निक्षेपमा लगानी गर्न सफल भएको छ । यसअघि गरिएको दीर्घकालीन लगानीले भविष्यमा समेत उच्चदरमा प्रतिफल प्रदान गरी कम्पनीको स्थायित्वका लागि आधार स्तम्भनिर्माणमा प्रत्यक्ष भूमिका निर्वाह गर्ने देखिन्छ ।
साथै कम्पनीले अहिलेको विषम परिस्थितिमा आफ्ना लिडरहरूको व्यावसायिक मनोबल उच्च गराउन सम्पूर्ण कर्मचारी तथा कम्पनीले निर्धारण गरेको व्यावसायिक लक्ष्य हासिल गरेका सम्पूर्ण एजेन्सी म्यानेजरहरूलाई एक लाखको कोरोना भाइरस, कोभिड–१९ बीमा सुविधा उपलब्ध गराउनुका साथै बीमितहरूको सुविधालाई मध्यनजर गरी ई–सेवा, फोन–पे, कनेक्ट आईपीएसलगायतका डिजिटल माध्यमबाट बीमा शुल्क भुक्तानी गर्न सकिने व्यवस्था समेत गरेको छ ।
क्याटेगोरी : बैंक बित्त बजार
ताजा अपडेट
- नोबेल पुरस्कार विजेता अर्थशास्त्री डानियलको निधन
- विद्युत् महसुल वृद्धि र आपूर्तिबारे चिन्तन
- बीमाको पहुँच विस्तार र सरकारको दायित्व
- अपराध कर्मले संरक्षण पाउनुहुन्न
- बस्नेत कोशी प्रदेश समन्वय परिषद् सदस्यमा नियुक्त
- ललितपुर इन्टरनेसनल ट्रेड एक्स्पोको तयारी पूरा
- नेपाल दूरसञ्चार प्राधिकरणका पूर्वअध्यक्षद्वय दिगम्बर झा र पुरुषोत्तम खनालसहित १९ जनाविरुद्ध भ्रष्टाचार मुद्दा
- बीमा कम्पनीहरूले संकलन गरे एक खर्ब २४ अर्ब बीमाशुल्क
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया