आइएमई लाइफ इन्स्योरेन्सका चिफ मार्केटिङ अफिसरमा चौलागाईं

काठमाडौं । आइएमई लाइफ इन्स्योरेन्स कम्पनी लिमिटेडको चिफ मार्केटिङ अफिसरमा गणेश चौलागाईं नियुक्त भएका छन् । कम्पनीको सञ्चालक समितिको एक सय ८८औं बैठकले चौलागाईंलाई उक्त पदमा नियुक्त गरेको हो ।

बीमा क्षेत्रमा करिब १८ वर्ष लामो कार्य अनुभव हासिल गरेका चौलागाईं कम्पनीको चिफ मार्केटिङ अफिसरको रूपमा नियुक्त भएका हुन् । नवनियुक्त चिफ मार्केटिङ अफिसर यसअघि सानिमा रिलायन्स लाइफ इन्स्योरेन्स लिमिटेडको प्रमुख व्यापार अधिकृतको रूपमा आबद्ध रहेका थिए । व्यवस्थापन संकायमा स्नातकोत्तर गरेका उनको सानिमा लाइफ इन्स्योरेन्स लिमिटेडमा पुनर्बीमा विभाग, अनुसन्धान तथा विकास विभाग, बजार व्यवस्थापन विभाग र प्राइम लाइफ इन्स्योरेन्स कम्पनी लिमिटेडमा प्रदेश प्रमुख, शाखा प्रमुखको रूपमा काम गरेको अनुभव रहेको छ ।