माछापुुच्छ्रे बैंककोे नाफामा सामान्य गिरावट

काठमाडौँ, जेठ २९
माछापुुच्छ्रे बैंकको नाफामा सामान्य गिरावट आएको छ । बैंकले चालू आर्थिक वर्षको पछिल्लो नौ महिनामा एक अर्ब १६ करोड ६८ लाख ५५ हजार छ सय ६८ रूपैयाँ खुद मुनाफा कमाएको छ । बैंकले आर्जन गरेको यो मुनाफा गत आवको सोही अवधिको भन्दा झण्डै आठ करोड रूपैयाँले कम हो । गत आवको सोही अवधिमा बैंकको यस्तो नाफा एक अर्ब २४ करोड आठ लाख १८ हजार तीन सय २९ रूपैयाँ रहेको थियो ।

हाल चुक्ता पुँजी आठ अर्ब ४५ करोड ८४ लाख ७७ हजार छ सय ५० रूपैयाँ रहेको बैंकले चालू आर्थिक वर्षको तेस्रो त्रैमासिक अवधिमा ९९ अर्ब ८५ करोड ११ लाख २९ हजार एक सय ७१ रूपैयाँ निक्षेप संकलन गरी ९२ अर्ब ४९ करोड ६९ लाख ६७ हजार रूपैयाँ कर्जा प्रवाह गरेको छ । सो अवधिमा तीन अर्ब तीन करोड ८९ लाख नौ हजार रूपैयाँ खुद ब्याज आम्दानी गरेको बैंकमा शून्य दशमलव ४५ प्रतिशत कर्जा निष्क्रिय रहेको छ ।

बैंकले गत आवको सोही अवधिमा भने ८५ अर्ब १९ करोड ८४ लाख दुुई हजार एक सय ४४ रूपैयाँ निक्षेप संंकलन गरी ७५ अर्ब नौ करोड ५७ लाख ७३ हजार रूपैयाँ कर्जा प्रवाह गरेको थियो । उक्त अवधिमा दुुई अर्ब ६० करोड १६ लाख ९६ हजार पाँच सय ५८ रूपैयाँ खुद ब्याज आम्दानी गरेको बैंकमा शून्य दशमलव ४८ प्रतिशत कर्जा निष्क्रिय रहेको थियो ।