एनआईसी एसिया बैंकका ऋणीलाई ब्याज र नवीकरण शुल्कमा छुट
काठमाडौं, असार २
एनआईसी एसिया बैंकले आफ्ना कर्जावाला ग्राहकलाई ब्याज र नवीकरण शुल्कमा छुुट दिने भएको छ । बैंकका अनुसार असार मसान्तसम्मको ऋण चुक्ता गरेमा बैंकले उक्त कर्जाको विद्यमान ब्याजदरलाई कम गरी नौ दशमलव ९९ प्रतिशत कायम गर्ने जानकारी दिएको छ । राष्ट्र बैंकले निर्दिष्ट गरेको दुुई प्रतिशत ब्याज छुटको अलावा बैंकबाट कर्जा सुविधा लिएका सबै ऋणीहरूले २०७७ असार मसान्तसम्मको सम्पूर्ण सावाँ तथा ब्याजको बक्यौता रकम २०७७ आषाढ मसान्तसम्मा चुक्ता भुक्तान गरेमा उक्त कर्जाको विद्यमान ब्याजदरलाई कम गरी नौ दशमलव ९९ प्रतिशत कायम गरिने बैंकले जानकारी दिएको छ ।
साथै, सावाँ तथा ब्याज चुक्ता भुक्तान गर्न ढिलाइ गर्दा लाग्ने पेनाल चार्जर ब्याज र जरिवाना रकममा समेत शत प्रतिशत मिनाहाको व्यवस्था बैंकले गरेको छ । हाल नौ दशमलव ९९ प्रतिशतभन्दा कम ब्याजदरमा कर्जा उपभोग गरिरहेका ग्राहकहरूको हकमा भने विद्यमान व्यवस्था अनुसार नै ब्याजदर कायम रहनेछ । त्यसैगरी, कर्जा नवीकरणको हकमा २०७७ असार मसान्तसम्ममा नवीकरण गरिसक्नुपर्ने कर्जाहरूको २०७७ असार महिनाभित्रै नवीकरण गरेमा नवीकरण शुल्कमा शून्य दशमलव २५ प्रतिशत छुट प्रदान गरिने बैंकले जानकारी दिएको छ ।
बैंकका अनुसार यो सुविधा मासिक तथा त्रैमासिक किस्ताबन्दी कर्जाहरूका साथै चालू पुँजी कर्जा तथा अन्य रिभल्विङ प्रकृतिका कर्जाहरूलगायत बैंकबाट प्रवाह भएका सम्पूर्ण क्षेत्रका कर्जाहरूमा लागू हुनेछ । बैंकले २०७७ असार महिनासम्ममा नवीकरण गर्नुपर्ने कर्जाहरूको हकमा कर्जा नवीकरण नभएको आधारमा कुनै पनि थप ब्याज, जरिवाना तथा शुल्क नलाग्ने व्यवस्था समेत गरेको छ ।
बैंकले नेपाल राष्ट्र बैंकको २०७६ चैत १६ गतेको निर्देशनको अक्षरशः पालना गरी २०७६ चैत्र मसान्तसम्ममा चुक्ता भुक्तान गर्नुपर्ने सम्पूर्ण मासिक तथा त्रैमासिक किस्ता चैत महिनाभित्र भुक्तानी गरेका ऋणीहरूको हकमा साधारण ब्याजको १० प्रतिशतले हुनआउने छुट रकम ग्राहकहरूको खातामा वैशाख महिनामै जम्मा गरिसकेको जनाएको छ । त्यसैगरी बैंकले घोषणा गरेको योजनामा सहभागी भई वैशाख महिनासम्ममा चुक्ता भुक्तान गर्नुपर्ने सम्पूर्ण किस्ता र ब्याज रकम वैशाख मसान्तभित्र पूर्णरूपमा चुक्ता गर्नेे ग्राहकहरूको हकमा साधारण ब्याजको १० प्रतिशतले हुन आउने छुटको रकम जेठ महिनाको पहिलो साताभित्रै सम्बन्धित ग्राहकहरूको खातामा जम्मा गरिसकेको बैंकले जनाएको छ ।
क्याटेगोरी : बैंक बित्त बजार
ताजा अपडेट
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
- मनकामना केबलकार शुक्रबार एक दिनका लागि बन्द
- विद्युत् उत्पादनको केन्द्र बन्दै ताप्लेजुङ
- कोशी प्रदेशसभाको विशेष अधिवेशन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया