काठमाडौं, पुस ६
सनराइज बैंक र नेपाल उद्योग परिसंघ (सीएनआई)बीच सम्झौता भएको छ । बैंकले महिला उद्यमी व्यवसायीहरुलाई सहुलियतपूर्ण कर्जा उपलब्ध गराउने सम्बन्धमा परिसंघसँग सम्झौता गरेको हो । सम्झौतामा बैंकका तर्फबाट प्रमुख कार्यकारी अधिकृत जनक शर्मा पौड्याल तथा परिसंघका तर्फबाट महानिर्देशक मेघनाथ न्यौपानेले हस्ताक्षर गरेका छन् ।
सम्झौता कार्यक्रममा परिसंघका अध्यक्ष सतिशकुमार मोरले समग्र औद्योगिक विकासमा महिलाहरुको लगानी र दक्षता विकास गर्न परिसंघले लिने पहलमा सनराइज बैंकसँगको सहकार्य फलदायी हुने विश्वास व्यक्त गरे । सोही अवसरमा बैंकका प्रमुख कार्यकारी अधिकृत पौड्यालले परिसंघसँगको सहकार्यले महिला उद्यमीहरुलाई उद्योग तथा व्यवसाय विस्तारमा सहज व्यवस्था मिलाउन बैंकले हरदम प्रयास गर्ने प्रतिबद्धता व्यक्त गरे । सम्झौतापश्चात् परिसंघमा आबद्ध सम्पूर्ण उद्यमी÷महिला सदस्यहरुको उद्यमशीलता विकास, सोका लागि आवश्यक सल्लाह र ब्याज अनुदान कर्जा लगानी सम्बन्धमा दुवै पक्ष सहमत भएको छ । सम्झौताअनुसार बैंकले महिला उद्यमीहरुका लागि १५ लाख रुपैयाँसम्मको सहुलियतपूर्ण कर्जा स्वीकृत ब्याजदरमा छ प्रतिशतसम्मको छुट प्रदान गर्नेछ ।
साथै, परिसंघमा आबद्ध साना तथा मझौला उद्यमीहरुलाई बैंकले सरलरुपमा कर्जा लिने प्रक्रिया, सहुलियतपूर्र्ण कर्जा, कर्जा उपभोग गर्दाको फाइदा जस्ता कर्जासँग सम्बन्धित जानकारीमूलक तालिम लगायतका कार्यक्रमहरु सञ्चालन गरिने समझदारी भएको छ । सम्झौताअनुसार तालिम तथा अभिमुखीकरण कार्यक्रमको माध्यमबाट नेपाल उद्योग परिसंघका सदस्यहरुमाझ बैंकिङ पहुँच पु-याउने, विशेषतः महिलाहरुको उद्यमशीलता तथा सशक्तीकरणका लागि ब्याज अनुदान कर्जाको अभिमुखीकरण कार्यक्रम सञ्चालन गर्ने, नेपाल उद्योग परिसंघमा आबद्ध सदस्यहरु र सनराइज बैंक लिमिटेडको आपसी हितलाई मध्यनजर गरी समय–समयमा अन्य आवश्यक कार्यहरु गर्र्ने, नेपाल उद्योग परिसंघका सदस्यहरुलाई बैंकबाट कर्जा उपभोग गरेको अवस्थामा नयाँ खाता खोल्दा बैंकले जारी गर्ने डेबिट कार्ड, मोबाइल बैंकिङ तथा लकर सुविधामा पहिलो वर्षको वार्षिक शुल्कमा पूर्ण छुट गर्ने, क्रेडिट कार्डका लागि योग्य ग्राहकलाई पहिलो वर्षको सदस्यता शुल्कमा पूर्ण छुटसहितका सबै सुविधाहरु बैंकका सम्पूर्ण शाखा कार्यालयहरुमार्फत उपलब्ध गराइने सम्झौतामा उल्लेख छ ।
क्याटेगोरी : बैंक बित्त बजार
ताजा अपडेट
- क्रेस्ट माइक्रो लाइफका अध्यक्ष मोरको सपथ
- नेपाली चियामा बारम्बार भारतीय अवरोध
- सम्मेलनमा अस्थिरताको सन्देश नजाओस् !
- राजनीतिले लगानीकर्तामाझ उत्साह भर्न सक्नपर्छः राष्ट्रपति
- जङ्गलभरि आगलागी : बासस्थान खोज्दै गाउँ झरे वन्यजन्तु
- दलका कार्यसमितिको विवरण उपलब्ध गराइदिन निर्वाचन आयोगलाई शिक्षा मन्त्रालयको अनुरोध
- सोह्रौँ योजनाले एकीकृत पूर्वाधार र सूचना प्रविधिको बिस्तारमा जोड दिएको छः प्रधानमन्त्री
- बसको ठक्करबाट तीर्थयात्रीको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया