नबिल बैंकद्वारा ‘स्क्यान एण्ड विथड्र’ सुरु
काठमाडौं, साउन १८
नबिल बैंकले ‘स्क्यान एण्ड विथड्र’ नामक योजना सञ्चालनमा ल्याएको छ । बैंकका अनुसार यो योजना सुरु भएपश्चात् नबिल बैंकबाट विना चेक एक लाख रुपैयाँसम्मको रकम झिक्न सकिने भएको छ । आफ्ना ग्राहकहरूलाई नयाँ पद्धतिको बैंकिङ सुविधा उपलब्ध गराउने उद्देश्यले बैंकले ‘स्क्यान एन्ड विथड्र’ सुविधाको सुरुवात गरेको जानकारी दिएको छ । यसअन्तर्गत ग्राहकहरूले चेकको प्रयोग नगरी क्यूआर कोड स्क्यान गरेर बैंक काउन्टरबाट दैनिक एक लाख रुपैयाँसम्म रकम झिक्न सक्नेछन् । बैंकले हाललाई यो सेवा काठमाडौँ उपत्यकाका सबै शाखाबाट उपलब्ध गराएको छ । छिटै नै यो सेवालाई देशभरिका शाखाहरूमा उपलब्ध गराउने तयारी बैंकले गरेको छ ।
यो सेवाका बारेमा बैंकका प्रमुख कार्यकारी अधिकृत अनिलकेशरी शाहले भने, ‘अब नबिल बैंकका ग्राहकहरूले चेक÷एटीएम कार्ड बोक्न बिर्सिए भने आफ्नो मोबाइल बैंकिङ एपमा लगइन गरेर बैंक काउन्टरमा भएको क्यूआर कोड स्क्यान गरी आफ्नो खाताबाट रकम झिक्न सक्नेछन् । विश्वव्यापी रूपमा फैलिएको कोभिड १९ महामारीको समयमा सुरक्षित कारोबार गर्न र संक्रमणको जोखिम न्यूनीकरण गर्नका लागि बैंकले यो पद्धतिमार्फत बैंक कर्मचारी र ग्राहकको सम्पर्क सकेसम्म घटाएको प्रमुख कार्यकारी शाहले जानकारी दिएका छन् । ग्राहकले क्यूआर कोड स्क्यान गर्दा अब स्वतः ग्राहकको खाताबाट रकम घट्ने र बैंकको कर्मचारीले केवल ग्राहकलाई झिक्न खोजिएको रकम हस्तान्तरण गर्नेछन्, प्रमुख कार्यकारी अधिकृत शाहले भने ।
क्याटेगोरी : बैंक बित्त बजार
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया