झन्झन् घट्दै बैंकहरूको ब्याज

काठमाडौँ । वाणिज्य बैंकहरूले पुस महिनाको लागि ब्याजदर झनै घटाएका छन् । मंसिर महिनामा वाणिज्य बैंकहरूको व्यक्तिगत निक्षेपतर्फको ब्याजदर पाँच दशमलव शून्य चार प्रतिशत रहेकोमा पुस महिनाको लागि यस्तो ब्याजदर चार दशमलव ८३ प्रतिशतमा झरेको छ । मुद्दती निक्षेपको ब्याजको असर कर्जाको ब्याजमा पर्छ । सोअनुसार मुद्दती निक्षेपको ब्याज घट्दै आगामी समय कर्जाको ब्याजमा पनि केही कमी आउन सक्ने छ ।

सञ्चालनमा रहेका २० वटा वाणिज्य बैंकहरूमध्येमा सिटिजन्स बैंक, माछापुच्छ्रे बैंक, एनआईसी एसिया बैंक, सिद्धार्थ बैंक, नेपाल इन्भेष्टमेन्ट मेगा बैंक र एनएमबी बैंकले पुस महिनाको लागि पनि मंसिर महिनाकै ब्याजलाई निरन्तरता दिएका छन् । यीबाहेक नबिल बैंक, हिमालयन बैंक, नेपाल एसबीआई बैंक, एभरेष्ट बैंक, स्टान्डर्ड चार्टर्ड बैंक, लक्ष्मी सनराइज बैंक, कुमारी बैंक, सानिमा बैंक, प्रभु बैंक, ग्लोबल आईएमई बैंक, प्र्राइम कमर्सियल बैंक, कृषि विकास बैंक, नेपाल बैंक र राष्ट्रिय वाणिज्य बैंकले भने मंसिरको तुलनामा पुस महिनाको लागि ब्याजदर केही कम गरेका छन् ।

वाणिज्य बैंकहरूमध्ये नबिलले पुस महिनाको लागि व्यक्तिगत निक्षेपतर्फ चार दशमलव ५५ प्रतिशत ब्याज तोकेको छ । मंसिर महिनाको यो बैंकको यस्तो ब्याजदर चार दशमलव ७५ प्रतिशत रहेको थियो । नेपाल इन्भेष्टमेन्ट मेगा र माछापुच्छ्रेले भने पुस महिनाको लागि मंसिर महिनामा नै कायम रहेको पाँच प्रतिशत ब्याजलाई निरन्तरता दिएका छन् । हिमालयनले मंसिरमा कायम रहेको पाँच दशमलव ५० प्रतिशत ब्याजलाई पुस महिनाको लागि घटाएर चार प्रतिशतमा झारेको छ । नेपाल एसबीआई र एभरेष्टले पनि मंसिरमा कायम रहेको क्रमशः पाँच दशमलव ५० र चार दशमलव ८० प्रतिशत ब्याजलाई पुसको लागि कम गरेर क्रमशः चार दशमलव ५५ र चार दशमलव ७५ प्रतिशत तोकेका छन् । एनआईसी एसियाले भने मंसिरमा कायम रहेको पाँच प्रतिशत ब्याजलाई पुस महिनाको लागि पनि निरन्तरता दिएको छ । स्टान्डर्ड चार्टर्ड, लक्ष्मी सनराइज र कुमारी बैंकले भने मंसिर महिनाको कायम रहेको ब्याज क्रमशः चार दशमलव ७०, पाँच र चार दशमलव ९१ लाई क्रमशः चार दशमलव ६०, चार दशमलव ७५ र चार दशमलव ५३ प्रतिशतमा झारेको छ ।

सिद्धार्थ बैंकले भने पुस महिनाको लागि पनि मंसिर महिनाकै पाँच प्रतिशत ब्याजलाई निरन्तरता दिएको छ । सानिमा बैंकले मंसिरमा कायम रहेको पाँच प्रतिशत ब्याजलाई घटाएर पुुस महिनाको लागि तीन दशमलव ७५ प्रतिशतमा झार्दा एनएमबी बैंकले मंसिर महिनाको पाँच प्रतिशत ब्याजलाई पुस महिनाको लागि पनि निरन्तरता दिएको छ । प्रभु र ग्लोबल आईएमई बैंकले भने मंंसिर महिनामा कायम रहेको क्रमशः चार दशमलव ९५ र छ प्रतिशत ब्याजलाई क्रमशः चार दशमलव ५५ र पाँच ५० प्रतिशतमा झारेको छ । सिटिजन्स बैंकले मंसिर महिनामा कायम रहेको चार दशमलव ७५ प्रतिशत ब्याजलाई पुसको लागि पनि निरन्तरता दिँदा प्राइम र कृषि विकास बैंकले भने मंसिरमा कायम रहेको ब्याज क्रमशः चार दशमलव ७५ र चार दशमलव ७० लाई क्रमशः चार दशमलव २५ र चार दशमलव ५५ प्रतिशतमा झारेको छ । यसैगरी नेपाल बैंक र राष्ट्रिय वाणिज्य बैंकले पनि मंसिरमा कायम रहेको ब्याज क्रमशः पाँच दशमलव २५ र पाँच दशमलव पाँच प्रतिशतलाई क्रमशः पाँच दशमलव १० र चार प्रतिशतमा झारेको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments