महालक्ष्मी विकास बैंकको आवास कर्जामा आकर्षक सुविधा

काठमाडौं, पुस ९
महालक्ष्मी विकास बैंकले आवास कर्जामा सुविधाहरू थप गरेको छ । बैंकले घर खरिद गर्न अथवा घर निर्माण गर्न इच्छुकहरूलाई लक्षित गरी आवास कर्जाअन्तर्गत विशेष कर्जा सुविधा योजना ल्याएको हो । योजनाअन्तर्गत ऋणिका लागि निर्माण लागतको अधिकतम ९० प्रतिशतसम्म कर्जा प्रवाह गर्नेछ, भने घर खरिदमा अधिकतम ७० प्रतिशतसम्म कर्जा लगानी गर्नेछ ।

कर्जाको अवधि अधिकतम २५ वर्ष, सुलभ व्याजदर तथा कर्जा शुल्कमा विशेष छुट, घर निर्माणमा अग्रिम कर्जा प्रवाह साथै निःशुल्क दुर्घटना बीमाजस्ता आकर्षक सुविधाहरू बैंकले प्रदान गर्नेछ । बजारमा हुनसक्ने उतार चढावबाट ऋणिलाई सुरक्षित गर्नका लागि यस योजनाअन्तर्गत कर्जा प्रवाह गर्दा निर्धारित ब्याजदर कर्जा अवधिभर यथावत रहन पनि सक्ने व्यवस्था मिलाएको बैंकले जानकारी दिएको छ ।

घर खरिद गर्न अथवा घर निर्माण गर्न चाहनेहरूका लागि लाभदायक महालक्ष्मी आवास कर्जा बैंकका सम्पूर्ण शाखाहरूबाट उपलब्ध हुनेछ । बैंकले हाल सबै क्षेत्रमा गरी एक सय दुुईवटा शाखा तथा ३५ वटा एटीएम काउन्टरमार्फत वित्तीय सेवा उपलब्ध गराउँदै आएको छ । बैंकमा हाल कुुल ग्राहक संख्या पाँच लाख पुुगेको छ ।