लक्ष्मी बैंक र सेल–पेबीच सम्झौता

काठमाडौं, पुस ११
लक्ष्मी बैंक लिमिटेड र सेल–पेबीच सम्झौत भएको छ । बैंकले आफ्ना सबै ग्राहकहरूमा नेपालमा डिजिटल भुक्तानी सेवा प्रवद्र्धन गर्नका लागि नेपाल राष्ट्र बैंकद्वारा अनुमतिप्राप्त भुक्तानी सेवा प्रदायक सेल–पेसँग सहकार्य गरेको हो । सम्झौतामा बैंकका प्रमुख प्राविधिक अधिकृत जीवन प्रकाश लिम्बु र सेलकम प्रालिका प्रबन्ध निर्देशक पवन प्रधानले हस्ताक्षर गरेका छन् । लक्ष्मी बैंकका ग्राहकहरूले सेल–पेमा आफ्नो खाता आबद्ध गर्नेबित्तिकै एक सय रूपैयाँको मोबाइल रिचार्ज (टप–अप) पाउने, सेल–पेमार्फत विभिन्न भुक्तानीहरू गर्दा आकर्षक लोयल्टी पोइन्ट पनि पाउनेछन् ।

सेल–पे, सेलकमद्वारा सञ्चालित, नेपाल राष्ट्र बैंकद्वारा अनुमतिप्राप्त भुक्तानी सेवा प्रदायक हो, जसले मोबाइल तथा वेबको माध्यमबाट आफ्नो बैंक खातामार्फत डिजिटल माध्यमबाट भुक्तानी तथा रकम स्थानान्तरण सेवा प्रदान गर्दछ । भुक्तानी सुरक्षित तथा विश्वसनीय बनाउनका लागि सेल–पेलाई विभिन्न अन्तर्राष्ट्रिय मापदण्डअनुसार सुरक्षा प्रणालीभित्र रही विकास गरिएको छ । सेल–पेमार्फत गरिएको भुक्तानी वास्तविक समयमा हुन्छ ।

ग्राहकहरूले सेल–पेमा आबद्ध गरिसकिएका अन्य बैंकमा वा त्यहाँबाट लक्ष्मी बैंकको खातामा दर्ता गरिएको मोबाइल नम्बरमार्फत रकम स्थानान्तरण गर्न सक्नेछन् । ग्राहकहरूले सेल–पे भुक्तानी सेवा रहेका स्थानहरूमा सेल–पेमार्फत अन्य व्यापारिक भुक्तानी गर्र्न सक्नेछन् । यसमार्फत मोबाइलको टप–अप, बिजुलीको बिल, खानेपानीको बिल, इन्टरनेटको बिल, टिभीहरूको बिल भुक्तानी गर्न सकिनेछ । बैंकले हाल एक सय २० शाखाहरू र एक सय ४५ एटीएमहरूमार्फत ग्राहकहरूलाई सेवा पु¥याउँदै आएको छ ।