काठमाडौं, पुस १३
यस साता सेयर बजार परिसूचक ११ सय ६७ दशमलव ४१ अंकमा पुगेर रोकिएको छ । क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि दुई सय ५४ दशमलव ३६ अंकमा पुगेर रोकिएको छ । नेपाल स्टक एक्सचेन्ज लिमिटेड (नेप्से) को नियमित कारोबार कक्ष यस साता पाँच कार्यदिन नै खुल्ला रहेको थियो । जसमध्ये पहिलो, दोस्रो र चौथो दिन सेयर बजार बढेको थियो भने तेस्रो र अन्तिम दिन सेयर बजार घटेको थियो ।
यस साता धितोपत्र बजारमा एक सय ७२ कम्पनीहरुको कारोबार भएका छन् । जसअनुसार ३५ हजार तीन सय ६२ वटा कारोबारमा ८५ लाख ९५ हजार पाँच सय ३१ कित्ता सेयर खरिदबिक्री हुंदा कारोबार रकम दुई अर्ब ८१ करोड ८८ लाख ९२ हजार छ सय ९० रुपैयाँ पुगेको छ । यो कारोबार रकम गत साताको तुलनामा बढेको हो । गत साता भने धितोपत्र बजारमा एक सय ७३ कम्पनीहरुको कारोबार भएका थिए । जसअनुसार ३१ हजार नौ सय ६४ वटा कारोबारमा ६५ लाख २१ हजार ३४ कित्ता सेयर खरिदबिक्री हुंदा कारोबार रकम दुई अर्ब आठ करोड ७० लाख आठ हजार सात सय ३७ रुपैयाँ पुगेको थियो ।
यस साता पहिलो दिन बजार परिसूचक एक दशमलव १७ अंकले उकालो लागेर ११ सय ५० दशमलव ८१ अंकमा चढेकोमा क बर्गका कम्पनीहरुको कारोबार मापन गर्ने सेन्सिटिभ इन्डेक्स भने शून्य दशमलव २५ अंकले उकालो लागेर दुई सय ५१ दशमलव ५९ अंकमा चढेको थियो । दोस्रो दिन पनि बजार परिसूचक १७ दशमलव ७७ अंकले उकालो लागेर ११ सय ६८ दशमलव ५८ अंकमा चढेकोमा सेन्सिटिभ इन्डेक्स पनि दुई दशमलव ९४ अंकले उकालो लागेर दुई सय ५४ दशमलव ५३ अंकमा चढेको थियो । तेस्रो दिन भने बजार परिसूचक ओरालो लागेको थियो ।
उक्त दिन बजार परिसूचक दुई दशमलव ३७ अंकले ओरालो लागेर ११ सय ६६ दशमलव २१ अंकमा झरेकोमा सेन्सिटिभ इन्डेक्स पनि शून्य दशमलव ३२ अंकले ओरालो लागेर दुई सय ५४ दशमलव २१ अंकमा झरेको थियो । चौंथो दिन भने बजार परिसूचक एक दशमलव ८२ अंकले उकालो लागेर ११ सय ६८ दशमलव तीन अंकमा चढेकोमा सेन्सिटिभ इन्डेक्स पनि शून्य दशमलव ५१ अंकले उकालो लागेर दुई सय ५४ दशमलव ७२ अंकमा चढेको थियो । अन्तिम कारोबार दिन भने बजार परिसूचक शून्य दशमलव ६२ अंकले ओरालो लागेर ११ सय ६७ दशमलव ४१ अंकमा झरेको थियो । उक्त दिन सेन्सिटिभ इन्डेक्स पनि शून्य दशमलव ३६ अंकले ओरालो लागेर दुई सय ५४ दशमलव ३६ अंकमा झरेको थियो ।
यस साता बढी रकम कारोबार गर्ने कम्पनीहरुको सुचीमा नेपाल बैंक, शिवम सिमेन्ट, नागरिक लगानी कोष आदि परेका छन् । यसैगरी सेयर कारोबार भएको संख्यामा आधारमा भने नेपाल बैंक, शिवम सिमेन्ट, एनएसीसी बैंक आदि परेका छन् । बजार पुँजीकरणको आधारमा भने यस साता पनि नेपाल टेलिकम, नबिल बैंक, नेपाल इन्भेष्टमेन्ट बैंक लगायतका कम्पनीहरु अगाडि परेका छन् । सेयर सुचीकरण तर्फ भने यस साता कामना सेवा विकास बैंक, कुमारी बैंक, सिटिजन्स इन्टरनेशनल बैंक, एभरेष्ट बैंक आदिको बोनस सेयर सुचीकृत भएका छन ।
क्याटेगोरी : बैंक बित्त बजार
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया