Techie IT
×
गृहपृष्ठवित्त पूँजी बजारआशा लघुवित्तद्वारा सीपमूलक तालिम सञ्चालन

आशा लघुवित्तद्वारा सीपमूलक तालिम सञ्चालन


काठमाडौं, पुस १३
नुवाकोटको मदानपुरमा आशा लघुवित्तद्वारा सीपमूलक तालिम सम्पन्न आशा लघुवित्त वित्तीय संस्थाले २०७६, पुस ८, ९ र १० गते ३ दिने सीपमूलक तालिम संचालन गरेको छ । संस्थाले शाखा कार्यालय मदानपुर नवाकोटमा आबद्ध सदस्यहरु मध्ये ७० जना महिला सदस्यहरुलाई निःशुल्क रुपमा लुगा धुने सर्फ तथा स्याम्पुबनाउने तालिम प्रदान गरेको हो ।

तालिम कार्यक्रमलाई उद्घाटन गर्दै शाखा कार्यालय मदानपुरकी शाखा प्रबन्धक बन्दना पौडेलले यस्तो किसिमको कार्यक्रमले महिलाहरु लाई उद्यमशिल बन्न थप सहयोग पुग्ने कुरा व्यक्त गरिन् । साथै यस कार्यक्रमपश्चात् सदस्यहरुको लघुव्यवसायमा वृद्धि भई यस क्षेत्रका विपन्न महिलाहरुको आर्थिक क्रियाकलापमा वृद्धि हुनुका साथै आत्मनिर्भरतातर्फ उन्मुख हुन सहयोग पुग्ने उनको भनाइ छ ।

संस्थामा कार्यरत कल्याणी खरेलले प्रशिक्षण दिएको तालिमबाट सहभागीहरुले कम लागतमा लुगा धुने सर्फ तथा साबुन बनाउने तरिका, बजारीकरण लगायतका सम्बन्धमा जानकारी हासिल गरेका थिए । हालै यस वित्तीय संस्थाले विभिन्न शाखा कार्यालयहरु मार्फत झण्डै १९ सय ४० जना विपन्न महिलाहरुलाई यस प्रकारका सीपमूलक तालिमहरु प्रदान गरिसकेको छ ।

वित्तीय संस्थाका प्रमुख कार्यकारी अधिकृत बद्री प्रसाद दुलालले यस्ता सीपमूलक तालिमहरु सम्पूर्ण शाखा कार्यालयहरुबाट संचालन गरी सदस्यहरुको सीप अभिवृद्धि गरी आत्मनिर्भरता तर्फ उन्मुख गराउन वित्तीय संस्था क्रियाशील रहनेविचार व्यक्त गरे । नेपाल राष्ट्र बैंकबाट घ’ वर्गको राष्ट्रिय स्तरको वित्तीय संस्थाका रुपमा स्वीकृती प्राप्त आशा लघुवित्त वित्तीय संस्थाले विपन्न समुदायका निम्ति आशा भन्ने मुल नाराका साथ ककनी – ६ नुवाकोटमा केन्द्रीय कार्यालय स्थापना गरी २०७३ भदौ १५ गतेबाट कारोबार सुरु गरेको हो ।

हालसम्म वित्तीय संस्थाले २९ वटा जिल्लाहरुका ५५ शाखा कार्यालयहरु मार्फत करीब ५१ हजार भन्दा बढी सदस्यहरुलाई वित्तीय सेवा उपलब्ध गराउँदै आएको छ । संस्थाको हालसम्म करीब दुई अर्ब १६ करोड कर्जा लगानीमा रहेको तथा सदस्यहरुबाट ६२ करोड भन्दा बढी निक्षेप संकलन गरेको छ ।


क्याटेगोरी : वित्त पूँजी बजार

तपाईको प्रतिक्रिया