नेपाल इन्भेष्टमेन्ट बैंकको थप दुई ठाउँमा एक्सटेन्सन काउन्टर

काठमाडौं ।
नेपाल इन्भेस्टमेन्ट बैंक लिमिटेडले थप दुईवटा नयाँ एक्सटेन्सन काउन्टर सञ्चालनमा ल्याएको छ । बैंकले भक्तपुरको शुकुलधोका र मच्छेगाउँ, चन्द्रागिरीमा एक्सटेन्सन काउन्टर खोलेर आफ्नो कार्यविस्तार गरेको हो । बैंकका अनुसार शुकुलढोका एक्सटेन्सन काउन्टर एनआईबीएलका उपमहाप्रबन्धक विजेश्न्द्र सुवालले उद्घाटन गरेका हुुन् भने मच्छेगाउँ एक्सटेन्सन काउन्टरको संयुक्तरूपमा कार्यवाहक वार्ड प्रमुख रामकृष्ण श्रेष्ठ र एनआईबीएल वाग्मती प्रान्त प्रमुख बरुन श्रेष्ठले संयुक्तरूपमा उद्घाटन गरेका हुुन् ।

नवस्थापित एक्सटेन्सन काउन्टरहरूले स्थानीय मागलाई पूरा गर्न बैंकिङ सेवाहरू प्रदान गर्नेछ र हाम्रा ग्राहकहरूलाई वित्तीय पहुुँच पु-याउने र वित्तीय साक्षरता विस्तार गर्ने उद्देश्यसहित स्थानीय मागलाई पूरा गर्नेगरी बैंकिङ सेवा प्रदान गर्ने बैंकले जानकारी दिएको छ । बैंकले सबै क्षेत्रमा गरी हाल ८३ शाखा, एक सय २५ वटा एटीएम काउन्टर, १९ एक्सटेन्सन काउन्टर, १० राजस्व संकलन काउन्टरर ५६ शाखाविहीन बैंकिङ काउन्टरबाट वित्तीय कारोबार सञ्चालन गर्दै आएको छ ।

बैंकका अनुसार अनुकरणीय सेवा र व्यवसायका लागि बैंकलाई पाँचवटा बैंक अफ इयर अवार्ड प्राप्तकर्ता भएको यो बैंकलाई अन्तर्राष्ट्रिय प्रकाशन युरोमीबाट बेस्ट बैंक २०१८ को लागि युरोमोनी पुरस्कारबाट मान्यता प्राप्त थियो । यसबाहेक, आईसीआरए नेपाल (अन्तर्राष्ट्रिय क्रेडिट रेटिङ एजेन्सी (नेपाल)ले बैंकलाई एको क्रेडिट रेटिङ दिएको छ ।