राष्ट्रिय वाणिज्य बैंकको दुुई सय ४२ औं शाखा शेराबजारमा

काठमाडौं ।
राष्ट्रिय वाणिज्य बैंक लिमिटेडले बाग्लुङ जिल्लाको जैमिनी नगरपालिका वडा नं.–१ स्थित शाखा कार्यालय शेराबजार सञ्चालनमा ल्याएको छ । बैकका अनुसार जैमिनी नगरपालिकाका नगर प्रमुख इन्द्रराज पौडेलले बैंकको दुुई सय ४२औं शाखा कार्यालयको सोमबार समुदघाट्न गरेका हुुन् ।

उक्त अवसरमा जैमिनी नगरपालिकाका नगरप्रमुख पौडेलले महामारीको समयमा पनि बैंकले शाखा स्थापना गरी नगरबासीलाईलाई बैंकिङ सेवा उपलब्ध गराएकोमा धन्यवाद व्यक्त गर्दै नगरपालिकाले सहयोग गर्ने बताए । बैंक शाखा कार्यालय शेराबजारका शाखा प्रबन्धक लोकप्रकाश पौडेलको अध्यक्षतामा भएको कार्यक्रममा जैमिनी नगरपालिकाकी उपप्रमुख लिला राना, नगर पदाधिकारीहरू, स्थानीय उद्योगी व्यवसायी, कर्मचारी, समाजसेवीहरूको उपस्थिति रहेको थियो ।
बैंकको हाल सातै प्रदेशको ७७ जिल्लामा दुुई सय ४२ वटा शाखा कार्यालय, दुुई सय पाँचवटा एटीएम काउन्टर र ९३ वटा शाखारहित बैंकिङ सेवा सञ्चालनमा रहेको छ ।