नयाँ वर्षमा सानिमा बैंकको डबल सौगात अफर

काठमाडौं, पुस १५
सानिमा बैंक लिमिटेडले नयाँ बर्षमा डवल सौगात अफर सार्वजनिक गरेको छ । अफरअन्र्तगत बैंकले नयाँ वर्ष इसं २०२० को उपलक्ष्यमा आफ्ना ग्राहकहरूलाई विशेष योजनास्वरूप विभिन्न छुट प्रदान गर्ने भएको छ । बैंकले आफ्ना नयाँ तथा पुराना ग्राहकहरूलाई लक्षित गर्दै तीन दिनको लागि आफ्ना डेबिट कार्ड र मोबाइल बैंकिङलगायतका डिजिटल बैंकिङ सेवाहरूमा जारी शुल्क नलाग्ने व्यवस्था गरेको छ । साथै, ग्राहकहरूले दुवै सुविधा एकैसाथ उपभोग गर्दा एक सय रूपैयाँको नेपाल टेलिकम वा एनसेलको टपअप पाउनेछन् । बैंकका अनुुसार यो योजना ३१ डिसेम्बर २०१९ देखि २ जनवरी २०२० (पौष १५ देखि १७, २०७६) सम्मका लागि लागू गरिएको छ ।