Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारमहालक्ष्मी विकास बैंकद्वारा विद्यालयलाई सहयोग

महालक्ष्मी विकास बैंकद्वारा विद्यालयलाई सहयोग


काठमाडौं, पुस १५
महालक्ष्मी विकास बैंकले विद्यालयलाई सहयोग गरेको छ । बैंकले आफ्नो संस्थागत सामाजिक उत्तरदायित्वअन्तर्गत विभिन्न शाखाहरूबाट विभिन्न कार्यक्रमहरू गर्दै आइरहेकामा सोही कार्यलाई निरन्तरता दिँदै बैंकको दरबारमार्ग शाखाले यही पुुस १३ गते आइतबार काठमाडौँ महानगरपालिका–१ नक्सालमा अवस्थित नन्दी माध्यामिक विद्यालयमा विद्यार्थीको लागि बास्केटबल कोर्ट, टेबल टेनिस बोर्डलगायतका खेलकुद सामग्री सहयोग गरेको हो । विद्यार्थीको चौतर्फी विकासमा सहयोग पु-याउने हेतुले बैंकले खेलकुद सामग्री प्रदान गरेको बैंकले जानकारी दिएको छ ।

यसैगरी आइतबार नै बैंकको तीनचुली शाखाले काठमाडौँ महानगरपालिका –७ मा अवस्थित खगेन्द्र नवजीवन विशेष शिक्षा माध्यामिक विद्यालयलाई अपाङ्तामैत्री फर्निचर हस्तान्तरण कार्यक्रम सम्पन्न गरेको छ । अशक्त विद्यार्थीहरूलाई अध्ययन गर्न सहज वातावरण सिर्जना गर्ने उद्देश्यले बैंकले अपाङ्तामैत्री फर्निचर प्रदान गरेको हो । उक्त कार्यक्रमहरूमा विद्यालयका सम्पूर्ण शिक्षक, व्यवस्थापन समितिका पदाधिकारी, बैंकका कर्मचारी, विद्यालयका संरक्षकहरू तथा विद्यार्थीहरूको उपस्थिति रहेको थियो । बैंकले आगामी दिनहरूमा पनि संस्थागत सामाजिक उत्तरदायित्वअन्तर्गत अझै प्रभावकारी कार्यक्रमहरू गर्दै जाने प्रतिबद्धता जनाएको छ ।


क्याटेगोरी : बैंक बित्त बजार

तपाईको प्रतिक्रिया