सीबीआईएल क्यापिटलको १४औं वार्षिक साधारणसभा
काठमाडौं ।
सीबीआईएल क्यापिटल लिमिटेडको १४औं वार्षिक साधारणसभा सम्पन्न भएको छ । अध्यक्ष पारसकुमार काफ्लेको अध्यक्षतामा शुुक्रबार कम्पनीले १४औं वार्षिक साधारणसभा सम्पन्न गरेको हो । सभाले प्रस्तावित साधारण प्रस्तावहरूअन्तर्गत आर्थिक वर्ष २०७६/७७ को सञ्चालक समितिको प्रतिवेदन पारित गरेको छ । त्यस्तै, आर्थिक वर्ष २०७६/७७ को लेखापरिक्षकको प्रतिवेदनसहित वासलात, नाफा नोक्सान हिसाब तथा नगद प्रवाह विवरणसहितको वित्तीय विवरण पारित गरेको छ ।
आगामी आर्थिक वर्ष २०७७/७८ का लागि लेखा परीक्षण समितिको सिफारिसमा साविकका लेखापरीक्षक श्री सुबोध एसोसिएट्सलाई लेखापरीक्षक नियुक्त गरेको छ । साथै, आर्थिक वर्ष २०७६/७७ को सञ्चित मुनाफाबाट आफ्ना सेयरधनीहरूलाई सञ्चालक समितिले प्रस्ताव गरेबमोजिम १० प्रतिशत (करसहित) नगद लाभांश वितरण गर्न स्वीकृति प्रदान गरेको छ ।
नेपाल धितोपत्र बोर्डबाट धितोपत्र निष्काशन तथा बिक्री प्रबन्धक, धितोपत्र प्रत्याभूतिकर्ता (अण्डर राइटर) सेयर रजिष्ट्रार तथा लगानी व्यवस्थापन (पोर्टफोलियो म्यानेजमेन्ट)को काम गर्ने साथै डिम्याट खाता खोल्ने, सेयरहरू अभौतिकीकरण गर्ने, सामूहिक लगानी कोषको प्रर्वद्धन गर्नेजस्ता लगानी कर्ताहरूसँग प्रत्यक्ष सरोकारका कामहरू गर्न अनुमति प्राप्त भएको सीबीआईएल क्यापिटल लि. सिटिजन्स बैंकको सहायक कम्पनी हो । यो कम्पनीमा कर्मचारी सञ्चय कोष, नागरिक लगानी कोष तथा प्रतिष्ठित उद्योगी व्यापारीहरूको सहलगानी रहेको छ । काठमाडौँ डिल्लीबजारस्थित बाटुलेघरमा संस्थाको रजिष्टार कार्यालय रहेको छ र यहीबाट नै मर्चेन्ट बैंकिङसम्बन्धी सम्पूर्ण सेवाहरू प्रदान गर्दै आएको छ ।
क्याटेगोरी : बैंक बित्त बजार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया